見甄妮唔敢無禮貌，陳奕迅台上敬禮

甄妮日前批評G.E.M.目中無人，唔同前輩打招呼，成為娛樂熱話。雖然G.E.M.表示因為怕醜而唔敢同佢打招呼，但甄妮就唔收貨，繼續插佢。日前甄妮同G.E.M都有參與港台頒獎禮，但兩人無機會同場，G.E.M.就話有諗過同甄妮打招呼，可惜對方己經走。


而同甄妮同台陳奕迅（Eason），雖然都有俾甄妮批評過無禮，不過上台一見甄妮即時敬禮，非常識做，甄妮都讚佢受教識改過！

今年樂壇最後一個頒獎禮《十大中文金曲》終於喺周日（20日）圓滿結束，又係Eason同祖兒成為大贏家。賽果無新意，焦點自然集中喺花邊新聞上。

叩謝皇恩



為免被甄妮鬧，Eason一上台即半跪半鞠躬，行個大禮先。

握手致謝



之後再握手致謝，你睇甄妮個樣幾冧。

就講最近為演唱會谷飛嘅甄妮，佢同Eason場戲就真係無得頂！話說2000年Eason、栢芝同陳曉東喺機艙喧嘩，甄妮苦勸無效，發火叫佢哋收聲，之後仲向記者鬧爆Eason：「長輩同佢講嘢，講極都唔聽，望都唔望你，咁仲唔係目中無人！」

言猶在耳，估唔到甄妮頒男歌手獎俾Eason時，竟然可以講：「呢個我好鍾意……呢個當年我都有教佢……陳奕迅。」不過Eason唔知係咪怕再次得罪前輩，對住甄妮又跪又鞠躬，仲附送香吻一大個，之後更賣口乖：「多謝甄妮姐姐，祝你演唱會成功！」禮數真係做到足。

甄妮火藥味咁重，當晚真係冇人敢埋身。反而另一個殿堂級歌手張學友就唔同嘞。佢表演嗰part，成班歌手坐定定留心聽，完騷後個個仲爭住同佢合照，受歡迎程度同甄妮差好遠！



2000年，Eason、陳曉東、栢芝跟甄妮參演《加港龍情耀千禧》之後，一同由加拿大返港。點知三個「小朋友」傾偈嘈得滯，搞到甄妮當眾大鬧。歌神難得表演，成班歌手好捧場，坐定定睇晒。



之後嘅祝酒活動，一眾歌手爭相同學友合照，鬼咁受後輩歡迎。我色香味都正，而且好友善！（設計對白）
歌神張學友榮獲「金曲25周年榮譽大獎」，喺台上獻唱多首名曲，可以話係當晚嘅高潮位。