內地性感女星張暖雅憑着一對34D「導彈」殺入香港半年多，已密密吸金六位數兼搬大屋！即將升呢擔正電影女主角的她，更開口撩上位小生梁烈唯拍強姦戲，大讚對方可愛又怕醜！
張暖雅願獻身拍強姦戲，不過她希望對手是「新歡」梁烈唯
張暖雅（Angelina）自去年中隻身「胸」降香港後，憑驕人身材而獲得不少片商吼中，雖然留港發展短短半年多，但原來密密接Job的她已豬籠入水，她說：「公司初初簽我時，覺得可能要用一、兩年時間鋪路，完全冇諗過咁快賺到六位數。」她更動用第一桶金打造安樂窩，由細屋搬大屋：「最近搬去一間獨立屋，雖然係租嘅，但香港寸土尺金，買家具都差唔多用晒啲錢，希望兩年內可賺夠上樓。」
抗拒裙腳仔
Angelina透露今年已落實至少拍兩套戲，其中一齣更擔正笑片女主角：「依家得閒就喺屋企鑽研演技，故事背景雖然係夜場，但自己已經唔係蒲精，簽公司時亦講明唔可以夜蒲。」提到最近不少女星靠「姦」角上位，一向形象性感的Angelina當然絕不抗拒，最希望與唯唯大演強姦戲：「我好花心，之前鍾意好多唔同嘅男藝人，最近覺得唯唯好可愛怕醜，但好擔心同佢太近距離會心跳得好快。」
梁烈唯
張暖雅半年勁賺六位數，她希望兩年內能在港置業。
事業得意，愛情卻一直冇着落，愛情路上曾布滿荊棘的Angelina說：「我見過太多大陸男人，自己年紀大咗要求都高咗！我擇偶條件一定要IQ高過我，獨立而見過世面，唔要裙腳仔！」
From:
http://orientaldaily.on.cc/cnt/e ...0125/00282_046.html
