負皮王梁烈唯引發公關災難唯唯做代言網民嗌Cut卡

梁烈唯早前因為在內地閱兵日於微博放了一張敬禮相，被指亂擦鞋而遭高登巴打給予過萬個負評，獲封為「負皮王」。原本事件告一段落，不過唯唯其後接受雜誌訪問時再挑起事端，並揶揄網民「我真係要同嗰班網民講，你哋實在太膚淺」，更自認擦無線高層鞋，一句「你吹呀！」再次觸動網民神經。

前日唯唯「現身」萬事達卡（MasterCard）的官方facebook網頁上，該卡貼上他的宣傳照及兩條廣告片，即時引來網民瘋傳，400多個留言中大部份反應激烈，不少網民聲稱要cut卡作回應，亦有網民張貼「卡已剪」的貼圖在官網上。萬事達卡公司方面的原意是想借唯唯推廣信用卡於網上購物，集方便與安全於一身，更有機會贏得到澳洲欣賞曉治積曼（Hugh Jackman）音樂劇的機會，可惜卻變成一場公關危機。

事後萬事達卡將有關唯唯的宣傳片隱藏，要靠有連結分享才可以看到，但仍無阻網民在官網上留言負評，指摘起用唯唯，相反另一條由商台DJ朱薰所拍的宣傳片在官網仍可以看到。

在萬事達卡官網上唯唯的宣傳照已經被隱藏。互聯網圖片

有網民貼出疑似剪卡作回應的照片。互聯網圖片

鄭裕玲的節目預告中，將會有唯唯參與。互聯網圖片
「食緊飯，冇回應」

唯唯昨日接受電話訪問時說：「唔方便，我𠵱家食緊飯，（想問番你有關MasterCard？）冇回應嘞，麻煩曬。」

正所謂識看當然要看留言，在網友的留言中不乏精句：「唔好講嘢，我即刻cut卡，叫埋身邊所有人cut。」、「廣告都幫你度埋：我係鍾意刷呀，你有冇得刷（卡）先？」、「搵代言人係好重要，你搵個咁嘅人，客戶唔會增加，只會減少，我決定cut咗我4張master」。

另外，鄭裕玲近日為無線主持的節目《Do姐去Shopping》獲不少好評，而在預告中透露稍後將有唯唯的部份推出，未知會否再引來網民攻擊。

採訪：李森
from:http://hk.apple.nextmedia ... 151115/19373240

梁烈唯（左）希望以身作則，籲大家放下仇恨。

梁烈唯日前接受商台《1圈圈星光背後》訪問，回應遭網民攻擊，他反駁：「如果我尊重其他人就係擦鞋，咁就係擦鞋囉！有好多人喺我社交網寫好多冇禮貌、粗鄙留言，呢啲留言只不過反映嗰啲係乜嘢人，影響唔到我。我希望身體力行去證明我能夠放下，大家同我一樣放下仇恨，唔好將負面情緒宣泄出去，世界至會有希望。」

梁烈唯坦言本來計劃生BB，但經此事後有所保留：「我覺得呢個世界嘅環境對下一代唔係太好，令我開始思考係咪一定要生小朋友，生咗之後又係咪真係有能力去教，我嘅能力又能唔能夠比得上外邊嘅影響力呢？」

撰文：陳以晴
from:http://hk.apple.nextmedia ... 151116/19374415