關心妍早前失落港台《十大中文金曲》，揚言退出頒獎禮。她昨日繼續酸溜溜表示多年努力不獲回報，「11年嚟，拎唔夠10個獎」，更呻G.E.M.比她幸運，坦言今後可以專心生仔，更會去熱帶地方旅行，方便受孕。
關心妍酸溜溜指G.E.M.比她幸運，自己十一年來只在港台奪三個獎
徐子淇、關心妍、謝婷婷和琦琦等昨日在中環出席皮具店開幕，關心妍早前在港台《十大中文金曲頒獎禮》全晚齋坐沒獎攞，她事後宣佈退出頒獎禮，她昨日說：「今年一早決定咗係最後一年參加，咁港台係最後一個頒獎禮，11年嚟，終於安樂晒，放鬆晒，多咗啲可以玩音樂嘅心態。」
「我從來冇贏過」
口中多次講解脫，但關心妍說來依然不忿，呻不停：「係機制同我嘅努力不成正比，我由頭到尾可以用生B做藉口，贏同輸我都爭取。」問到是否因失意十優歌手？她說：「跑咗咁多年，11年嚟都唔夠10個獎，（退出）都唔係衝動啦。」有人為唱歌而不為獎，她說：「考試唔為成績表，點解要考試先？我做主流音樂，有邊個唔想攞獎？」
關心妍又說：「係機制問題，係遊戲問題，我從來冇贏過，我唔係輕易放棄嘅人，唔係點堅持到11年。」她更呻G.E.M.比她幸運得多：「我好難先攞到少少嘢，港台咁多年都係拎咗3個獎。」
徐子淇透露每年只封二百元利是給囡囡，不會讓她亂花錢，培養囡囡理財觀念
謝婷婷少露性感事業線，但她謂男友安志杰無動於衷
子淇收50萬善款
此外，徐子淇收了50萬善款，原來她和老公李家誠成立了私人慈善基金Glamour to Give幫助病童，過去一年多兩公婆捐了過千萬，問她囡囡的利是是否都要捐？她說：「佢係助養小朋友，超過十個中國同非洲。」她謂囡囡很願意捐錢，但近期則想留錢買iPad，但徐子淇決定將自己的iPad給囡囡：「佢應該有排先儲夠錢，我每年畀200元利是佢。」爺爺四叔一封夠買？她說：「老爺每年送一個金幣畀佢儲起。」
From:
http://hk.apple.nextmedia.com/entertainment/art/20130124/18144194
