組合農夫成員C君，去年因被女友悔婚兼搭上自己老友，雙重打擊下重創。痛定思痛，重新振作的C君為盡快脫離單身行列，與新歡Candy拍拖未夠一個月，已經拖女友見自小相依為命的嫲嫲，實行快刀斬亂麻，搞掂人生大事。
命中注定
篤信命理，跟麥玲玲學嘢的C君，年前跟拍拖六年的女友分手後，曾找高人指點迷津。
「師傅話佢舊年年尾會搵到真命天女，係個新相識嘅女仔，佢信到十足十，所以識到呢個女仔冇耐，就覺得係命中注定，當正對方係結婚對象。」C君身邊人說。
去年十二月十日C君在Facebook宣布拍拖！女友叫Candy，在製作公司任職，負責公關活動，亦因此認識C君。
「C君之前做event識到Candy，正式拍拖就係上個月嘅事。」
有過被拋棄陰影，C君覺得自己遇到了解自己工作性質的合適對象，加上女方對他有地中海貧血症毫不在意，與其夜長夢多，不如閃婚。
「Candy好清楚佢嘅病，佢覺得男友除咗要定期輸血，生活根本同平常人冇分別。」
C君女友清秀可人，猶如鄰家小花，雖然拍拖不久，已經登堂入室，出入C君屋企。娛樂圈工作時間不穩定，沒有工作通告的日子，C君例必約會女朋友，更被人多次目擊在銅鑼灣行街拍拖。
農夫去年重開演唱會，並以棟篤笑形式舉行，找來麥玲玲做嘉賓，C君的嫲嫲（左）亦到後台打氣。
拍拖未足一個月，C君已經帶女友（左圖）出席朋友聚會，早前還帶女友探經理人Tommy，兩人齊齊抱起Tommy對龍鳳胎，玩到不亦樂乎。
老死兼拍檔的陸永和C君（右），今年計劃各自發展，C君還有意轉到幕後和電影方面發展。
有樓揸手
上週四（一月十日）黃昏七時，C君拖着身高跟他差不多的長髮女友，返回銅鑼灣伊利莎伯大廈寓所，探望他的祖母。
四歲被母親拋棄，父親之後因病去世，與祖母相依為命的C君，每次拍拖，必定帶女友回家讓嫲嫲過目，更何況Candy已被他視為結婚對象。現年二十八歲的C君手持父親留給他的伊利莎伯大廈單位，現市值約八百萬，有樓揸手，成家立室，他已達標一半。
年年都有份賀歲片的農夫，今年卻因要到大馬開騷賺馬幣，錯失演出賀歲片的機會。十二月十日才宣布拍拖，十六日已經約女方家長見面，C君拍拖進度快過火箭。
不甘只作幕前演出的農夫，最近為無綫收費台主持《猩猩同學會》，不但要做主持，還要度埋稿，全情投入。C君手持價值超過八百萬、位於灣仔的住宅單位，雖然樓齡高，但位置優越，有價有市。
慣性失戀
Ｃ君成日口花花冇句真，其實每次拍拖都諗住結婚，雖然冇次成功，但慣性失戀未有打擊他的信心。
好友勾二嫂
10年跟女友到紐西蘭旅行求婚成功，C君在微博公開喜訊，叫定方大同王浩信等老友做戥穿石，點知未婚妻卻移情C君好友，更以到澳洲工作一年為由提出分手，失戀兼失婚。
林珊珊唔like
到商台工作，認識在電台打暑期工的林珊珊大女、花名西瓜的李澄，但女友阿媽知道後棒打鴛鴦，連做媒的舅父林海峰亦遭怪責，拍拖一年分手。
