早個星期日（六日），《壹》仔喺尖東日航酒店見到江美儀、陳煒同陳七前度李綺雯，三個已經過檔無綫嘅前ATV人，約咗上個月俾亞視以拒絕配合公司「演藝訓練計劃」，被解僱嘅阿Ben張啟樂飲tea。
鬧亞視，結果俾人炸微博嘅陳煒同江美儀都認為是打手所為。
陳煒、李綺雯、江美儀三個前亞視友，約埋啱啱失業，要為供樓而擔心嘅張啟樂飲tea，其間江美儀拍晒心口，會為對方介紹人搵嘢做。
三娘教子！一人一句寸爆亞視。
江：如果我仲喺亞視，一定第一個被炒。炒你（張啟樂）唔一定壞事，你睇吓個個走咗之後幾好境。
陳：以前啲人仲叫亞視做二奶台，而家三、四奶都不如。
亞視無故炒人後，江美儀同陳煒公開維護戚黛黛、張啟樂，惹來大批亞視打手喺微博留言鬧爆。陳煒俾人話身為當年公司一姐唔飲水思源，如果林伯在生，一定會教訓佢。
江：我就話林伯知道亞視搞成咁，激到彈番起就真。
張：聽啲同事講，啲高層要大家以後稱呼PA做助理編導，入廠就要講入攝影棚。
江：都冇嘢俾人拍，入咩廠啫！
亞視唔使睇，無綫小生花旦又滾筒式用完再用，睇到大家都冇晒知覺！
發牌！發牌！發牌！
