44歲江美儀，谷胸反擊母子戀

1^# 大中小 young 發表於 2013-10-15 09:53 發短消息

相關主題: 江美儀

前排無綫劇《衝上雲霄II》有唔少熱門話題，包括劇中「Head姐」江美儀同「Roy」馬國明嘅重口味姊弟戀，佢兩個雖然只係相差幾年，但就俾人形容到「母子戀」咁誇張，其實論保養，44歲嘅江美儀唔比39歲嘅馬國明差囉！

美儀早前幫張兆輝嘅美容公司做護膚品代言人，甚少露肉嘅佢，為咗老友大騷事業線，同鄭秀文有幾分似嘅美儀即刻變成谷胸版Sammi。雖然性感，但當日嚟撐場嘅男友吳君祥都冇詐型，仲讚女友正㖭！一向勤保養嘅美儀話：「其實年紀對𠵱家嘅女性嚟講唔係問題，只要勤護膚，keep住身形，四十歲仲有青春，我相信只有懶嘅女人，冇唔靚嘅女人。」

「Head姐」江美儀擺出一個「扇揀」甫士，連男友吳君祥都話正！

馬明自讚有活力

另一邊廂，Roy不讓Head姐專美，馬明亦做男士美容中心代言人，以前皮膚麻麻嘅佢近年好努力保養，加埋冇乜壞新聞，好快成為圈中嘅筍盤。

張兆輝請好友江美儀做佢公司護膚品嘅代言人，美儀梗要落力宣傳啦。

馬國明只係細江美儀幾年，但睇落好細個，所以有男士美容廣告拍。

馬國明笑言︰「其實我一直以來嘅戲路都比較年輕有活力，睇嚟似30歲出頭，好開心。」馬明keep得好，即搞到同大佢幾年嘅美儀扮姊弟戀講到變母子戀，所以話保養都好重要！
from:http://hk.apple.nextmedia ... 131015/18463566

廷伸閱讀/相關主題推介:

相關主題:江美儀

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2013-10-18 13:33 發短消息

江美儀蹺肌男撼JC

Jessica C.低胸性感，唔怪得三哥要戴黑超遮眼。

張兆輝同老婆創立嘅GVG美容集團噚日喺尖沙嘴舉行記者會，推出最新嘅iCell系列，張兆輝好友苗僑偉（三哥）、黃日華、鄭則士同埋Jessica C.等撐場，代言人江美儀有男友吳君祥到場支持。大晒fit爆身材嘅江美儀，蹺住半裸型男出場，可惜俾谷胸配火熱紅裙嘅「警鐘胸」JC搶鏡。

張兆輝同老婆創立嘅GVG美容集團噚日喺尖沙嘴舉行記者會，推出最新嘅iCell系列，張兆輝好友苗僑偉（三哥）、黃日華、鄭則士同埋Jessica C.等撐場，代言人江美儀有男友吳君祥到場支持。大晒fit爆身材嘅江美儀，蹺住半裸型男出場，可惜俾谷胸配火熱紅裙嘅「警鐘胸」JC搶鏡。

索爆嘅江美儀由赤裸上身嘅肌男陪同出場。

三哥非禮勿視

大會分別安排三哥同JC、張兆輝同江美儀、黃日華同黃𨥈瑩分組，示範幫女士做面膜，三哥顯得有啲雞手鴨腳，仲笑住話：「Jessica一烏低身，閃光燈就係咁閃，我個頭都唔敢望過去。」華哥又幽自己一默話：「𠵱家我好畀心機學，我之後冇乜嘢做，可能轉做美容師。」暗指香港電視未獲發牌。

張兆輝話今次友情價請老友江美儀幫手，講到江美儀個廣告好性感，佢笑話：「唔係好搏箒，都冇乜嘢睇，都係少少事業線，我都有。」江美儀話原本噚日想着件中胸衫，但自己冇本錢着，所以拒絕咗，佢又話唔驚JC搶鏡，JC年輕貌美，自己就成熟穩重。江美儀話拍廣告時男友都有嚟鼓勵佢，冇話唔准性感，況且佢咁大個人都知底線係乜嘢。
from:http://hk.apple.nextmedia ... 131017/18466814

TOP

3^# 大中小 young 發表於 2013-11-12 13:44 發短消息

江美儀爆男友煲AV

江美儀（左）昨日與汪詩詩出席家品活動時，大講有味家事。

汪詩詩與江美儀等昨日在中環出席家品活動，即場挑選心水床上用品，江美儀選日本風格，並笑言最適合男朋友吳君祥，似暗示男友愛看AV，她說：「我成日都聽到yamete。男人成日都睇日本電影，好似《半澤直樹》呢啲，揀呢套啱晒，佢可以幻想我係女主角。」會否與男友一同看三級片？她笑說：「我熱情如火，睇埋唔得了。」男友會偷偷地看？她說：「睇唔緊要，睇完搵我解決，唔搵第二個就冇得頂。」

無綫台慶頒獎禮在即，江美儀酸溜溜說：「年年都有機會，年年都唔畀我，着咁靚都係坐冷板凳，今年我會揀長袖，冷板凳好凍。」剛從紐約回港的汪詩詩，透露在當地陪丈夫甄子丹四出傾片約，自己更被誤當是演員。
from:http://hk.apple.nextmedia ... 131112/18503431

TOP

4^# 大中小 young 發表於 2014-6-20 13:39 發短消息

江美儀揀鞋名模上身

藝人江美儀、名模楊崢、陳祉妤和前主播黃紫盈早前出席在灣仔舉行的巴西膠鞋王Melissa秋冬預展。

江美儀

活動選址於有百年歷史被列為二級歷史文化遺產的Comix Home Base舉行，四位愛鞋的女士，甫進場便如入無人之境，各自忙於揀選心愛的鞋款，黃紫盈喜愛少女味的心形圖案鞋履，楊崢則喜愛蝴蝶結圖案的款式，陳祉妤就偏愛淨色簡單設計的款式，至於江美儀在試鞋期間，突然興之所至「名模」上身大擺甫士嚷着要拍照，認真搞笑。

楊崢

陳祉妤
From:http://orientaldaily.on.c ... /00282_075.html

TOP

5^# 大中小 young 發表於 2014-6-29 01:19 發短消息

江美儀認集郵求加咀戲

藝人江美儀在無綫新劇《點金勝手》中，與對手黃智賢有一段比較內斂的感情線，戲中二人雖沒有太多的激情戲，但為了首尾呼應，江美儀主動要求加一場接吻戲，她說：「喺婚姻註冊處準備結婚嗰場咀戲，係我要求加落去嘅，因為想同劇尾有場接吻戲可以做到前呼後應嘅效果。（擔心被指公器私用？）唔怕，我擺明係集郵女星啦。同我咀親個個都會好紅o架，佢哋依家排隊收買監製、編劇要同我拍咀戲。」

江美儀

江美儀表示愛犬Teddy亦有份演出，笑言其演技比她還要精湛，她說：「佢有幾場戲同黃智賢有眼神接觸，真係交到戲o架。（搶你鏡？）仲好，之後大家搵佢開工，我就唔使做得咁辛苦，我要做寵物經理人。」
from:http://orientaldaily.on.c ... /00282_056.html

TOP