名人相簿粉樣何超蓮

後生女有邊個唔貪靚？就好似賭王三房細女何超蓮，雖然係城中「最索千金」，但仍然敢於百變，喜歡同朋友玩吓造型，而且仲好接受到新look添！

今次嘅粉系糖look，就是她的女性好友做形象指導，服裝、髮飾都係女友人一手包辦，仲真身與超蓮孖住演繹；而超蓮亦相當配合，除咗做model搞到自己成個粉樣，仲借埋屋企做studio，喺大浴缸任影任玩，有多幾個超蓮呢啲friend真係冇得頂。



坐喺圓形大按摩浴缸擺甫士影相，粉紅色氣球、獨角獸公仔做道具，製作認真。三太大宅咁大，當然唔會得一個場景，坐喺衣帽間趟門又影得。



超蓮以一對無踭Giuseppe鞋襯粉色膠裙，加埋手上的裸體BB道具，夠晒前衞。超蓮和友人企在浴缸邊扮公仔，又係幾似喎。


美洲豹超蓮，去年九月為「無盡慈懷慈善協會」影相籌款。超蓮喜愛玩妝，試過扮超模畫貓眼、點點眉，最抵死是在面上加大堆雀斑，依然咁索。



乜都敢試的她，連假牙糖都夠膽戴嚟影相。她經常為化妝師好友Annie G.試妝，這款粗眉假大眼look上堂瞓覺一流。


去年的萬聖節，她就化身靚靚吸血鬼。大家姐何超瓊一○年為化妝師Zing舉行的慈善相展擔任model，搽紅面低胸影造型照。

姊姊妹妹扮起來



二房細女何超儀最不甘平凡，出碟影封面、拍MV都要搞到鬼五馬六。三太大女超雲近年擺明做潮人，乜look都夠膽試。


四房女超欣一○年亦試過扮Lady GaGa開生日會。