回流香港娛樂圈嘅過氣性感女神孫佳君，原來都好鍾意shopping。日前佢帶埋囝囝出街，媽咪姐以為兩母子有啲咩特別親子活動，點知去到商場，孫佳君第一時間入咗老麥，買咗份兒童餐俾阿仔之後，就即時閃人。
閃得咁快去邊？原來去shopping。只見孫佳君行完一間又一間，極速shop完就會合番阿仔。咁又啱嘅，shopping悶親阿仔就無謂啦。呢啲「苦」，梗係留番俾阿媽自己受。
佢極速入咗兩間舖頭，由揀衫到俾錢，都係10分鐘左右咋。
孫佳君當日帶埋囝囝同工人去麥記，佢先買嘢食俾囝囝，交由工人睇實，然後單拖去shopping
shopping完，孫佳君即會合工人同囝囝，佢仲放低戰利品，手指指同阿仔講嘢。
