由「天氣女郎」搖身一變成為主持人的黃婉曼（Icy），最近為新節目不時走到各大商店講價！別以為Icy落力講價搞到人見人怕，原來不少商店都會自動波送她優惠，足見靚女的魅力！
黃婉曼最近為了*價，不時走訪各大商舖。
黃婉曼最近為now TV節目《*價》進行拍攝，她不時要走訪各間店舖講價，務求以至抵價送贈禮物給家庭觀眾，她說：「『*價』即係講價，亦都係女人最叻嘅事情，所以成日都要同老闆講：『平啲啦！』依家通貨膨脹，所以講價真係好重要！最近自己都好成功地『*』到一部最新型號嘅相機連電話，由一萬蚊講到二千幾蚊，真係好抵！」
問Icy經常講價，不怕令商家們一見到她就嚇得掉頭走嗎？Icy坦言情況剛剛相反，即使平時出街，不少老闆也會看在她份上給予優惠，她說：「其實啲商戶好多時都幾主動畀優惠我，好似有次幫襯茶餐廳，我嗌杯凍檸茶，點知個伙記同我講，黃小姐，呢杯我請你啦！所以我真係攞到唔少着數。」
黃婉曼自爆平日行街食飯，不少商戶都會自動波給她優惠
黃婉曼講波講馬做主持瓣瓣掂
瓣數多樣樣試
曾做天氣女郎、主持過講波和賽馬節目的Icy，連音樂和遊戲節目也陸續嘗試，瓣數甚多，不過Icy卻說：「我想嘗試多啲唔同類型嘅嘢，所以都唔會定型要做邊一類嘅節目，至於講波講馬，自己係真心鍾意嘅，而做節目前都會認真做功課，不過有啲人會覺得奇怪，點解一個咁斯文嘅女仔會成日拎住份馬經同波經？不過我覺得人可以有好多興趣發展，所以唔會介意人哋點睇！」
From:
http://orientaldaily.on.cc/cnt/e ...0118/00282_082.html
