在電影《一代宗師》扮演反骨徒弟馬三的張晉，演出搶眼令人刮目相看。昨日張晉在清水灣為處男歌拍MV，除了功夫了得，原來他舞功同樣犀利，張晉自稱很愛唱歌，當年在武術隊時晚上要跑場唱歌搵銀，不但有fans，更被稱為「晃眼郭富城」。
【今日我至硬】張晉噚日赤膊上陣，硬橋硬馬以功夫為新歌拍MV，佢話自己跳舞好勁，仲俾人封做「晃眼郭富城」，其實驟眼睇起嚟，佢有啲似羅志祥至真。
張晉在《一代宗師》中扮演反骨徒弟馬三非常搶鏡，人氣急升，昨日他在清水灣為他的第一隻歌曲《東‧西》拍MV，張晉化上黑眼線黑衣造型，之後除去上衣露出一身腹肌，狀態很弗。見張晉跳舞有板有眼，排舞師是他在網上搵，張晉說：「我希望等人知道我除咗可以拍戲之外，仲可以多元化發展，我都好鍾意唱歌跳舞，不過今次冇壓力。」
不過張晉表示不是因為《一》令自己人氣升才唱歌：「首歌錄咗一段時間，Ada（蔡少芬）好早已聽過，佢一向都話好。」
張晉昨日聯同舞蹈員一同拍攝MV，可謂演而優則唱。
蔡少芬雖懷有身孕，但日前出現上海機場自行拖篋。
夫婦喜唱K
他透露和Ada皆鍾意唱卡拉OK，老婆生第一胎時，臨生前一日還去唱K，問張晉飲歌是那一首？他說：「以前喺武術隊時，夜晚要跑場唱歌搵錢，我多數唱學友同城城（郭富城）。」當時台下反應怎樣？他笑言：「唔好睇少我，有fans㗎，啲人叫我做『晃眼郭富城』。」張晉表示此歌稍後在網上播，暫時不計劃出碟。
對於《一》票房好，張晉表示當然開心，如此搶鏡會否加片酬？張晉表示不敢，一切由老闆決定，但他坦言近日多了很多工作，亦多了人認識，他笑稱：「加錢梗係好，我都要養家。」他又指自己仍在努力中，不會有飄飄然感覺。
至於Ada腹中第二胎是仔定女和預產期等問題，張晉表示交由老婆公布。
From:
http://hk.apple.nextmedia.com/entertainment/art/20130116/18135407
