【今日我至白】杜汶澤同余文樂喺新戲扮飛虎隊員到澳門召妓，噚日問阿澤有冇真實經驗？佢話有去過夜總會叫小姐陪坐，仲食埋大細黑提㖭！
杜汶澤、余文樂和曾國祥昨日在旺角出席彭浩翔監製的新戲《飛虎精英》拜神儀式，吸引不少途人圍觀。今次新戲故事講及一班飛虎隊員過澳門召妓的經歷，問杜汶澤現實中有否召過妓？他死也不肯回答，但他接着又說：「我只係去過夜總會，但都冇叫小姐出街。」叫小姐只是齋飲？阿澤笑稱：「有食生果，西瓜提子都有食。」是否食黑提？他笑言：「大細粒都有，不過細粒好食啲。」
阿澤聲稱去夜總會只是應酬，他說：「好唔enjoy，啲人係咁叫我影相簽名，又要我陪飲陪猜枚，我陪人玩多啲。」他表示不會帶余文樂取經以助投入演出，是否其實樂仔經驗還要多？阿澤作狀封嘴：「呢個唔可以亂答。」阿澤透露彭浩翔會找內地女仔扮妓女，全裸跟阿澤肉搏，樂仔則聲言除工作外沒去過夜總會。
曾國祥唔擔心志偉
另外，問到曾國祥其父親曾志偉有否為黃浩的是非而煩惱？他說：「佢心情冇乜嘢，我都有問佢，但佢都唔想講太多。」連家人也如此避忌？曾國祥說：「我諗佢係唔想家人擔心，佢只係話冇事，不過我都覺唔係咁大件事。」
曾志偉昨日出席《勁歌》總選拜神，對於涉掌摑黃浩被捕事件，他謂已進入司法程序不便多講，至於梁烈唯被黃浩告誹謗，志偉說：「佢係好演員，對自己做事肯承擔，好多人撐佢，仲多過我。」有指陳百祥（阿叻）借錢給唯唯打官司，志偉說：「阿叻好支持佢，可惜呢件事令佢工作有損失，希望平息後用番佢。」
曾國祥（右圖）透露老竇曾志偉在家未有談及黃浩事件，以免家人擔心。
From:
http://hk.apple.nextmedia.com/entertainment/art/20130114/18133112
