娜姐心口本錢夠，贏盡宅男心，賭王三房千金何超蓮，雖然唔係星，獨沽一味索，一樣有大批少男fans。個樣索，加上如假包換，喺整容風氣下屬於罕有極品，就算零妝，一樣見得人。上星期三（二日），索超蓮一個人出現中環雲咸街，平日見到記者都會主動打招呼，影相亦有求必應嘅佢，當日唱反調：「今日唔好影得唔得呀！」
超蓮冇解釋原因，但八珍認為同冇化妝無關，真面目見人，佢其實身經百戰。點知超蓮將呢件事話咗俾化妝師Annie G知，第二日對方响微博就講咗句：「記住化妝出街，唔該！！」
八珍錯晒！原來真係關冇化妝事喎！由此證明，何家索女開始變熟女。
剪咗個齊蔭新髮型嘅超蓮因為冇化妝，唔想入鏡扁嘴！即使再唔情願，超蓮都專登行入時裝店睇衫俾記者影相。
扮睇衫，點知真係睇中，買完行出門口，超蓮自然反應盡量唔望鏡頭，怕素顏樣影得太清楚。
