結婚近3年，陳小春同應采兒講到出口想生B，11年，小春更戒煙戒酒養身造人，可惜一直未成功。
兩公婆求子心切，去年應采兒更話：「要減少接戲，想造人。」據知亦得到一位台灣高人教路，提議兩公婆行善積福捐錢做善事，可望一年內得子。結果應采兒在內地發起藝人二手衫拍賣，又嘗試齋戒積福。兩人去年底終於造人成功，45歲小春做老豆喇！
元旦當日，小春在微博上載一張圓蛋圖，更用軟尺量度大小，網民即時議論，估應采兒有咗BB。直到上週六（5日），小春更將微博個人照換為一張大人和BB的手相，令應采兒懷孕消息更似層層。知情人士說︰「上年7月，佢哋同Yumiko喺布吉旅行，Yumiko出咗事之後，丁丁（應暱稱）已經決定要快啲生，唔可以再等！覺得世事無常。」
應采兒有咗3個月~自從布吉回港，應采兒覺得世事無常，無論用咩方法，都要盡快生B，今次終於俾佢求子成功。小春將微博個人照轉咗幅大人和BB手相，唔通想宣布做老豆？平時對記者惡形惡相的小春，難得溫柔喎！
扮超聲波圖~小春一向口密，但都忍唔住在微博透露玄機，除了小孩手仔之外，圓蛋圖案令人聯想到佢量度BB喺照超聲波時嘅size，連網友都催小春快啲報喜。
帶頭行善
返到香港，應采兒即刻搭朋友幫手搵高人指點。知情人士說︰「小春兩公婆都係大細路，但丁丁今次好認真，返咗老家台灣打聽，聽講當地有位高人叫佢哋要做多啲善事，最好就梗係捐錢啦，咁啱佢哋喺布吉返嚟，就有個大陸慈善機構搵佢哋捐衫，丁丁就自告奮勇搞咗個「愛星衣社」，叫埋明星好友幫手捐衫，又出錢、又出力。」
去年10月
最後公開露面
最後一次在香港露面，係上年10月初，Yumiko男友的化妝店開張，當晚應采兒早走兼冇飲酒，之後就只在自己微博晒行蹤，但都係得大頭相。
10/12唔見老婆
平時同老婆糖黐豆的小春，單拖到圓方剪頭髮，之後就急急返康樂園陪老婆。
匿家安胎
自從去年10月初，應采兒出席Yumiko（鄭希怡）男友Andy的D-mop化妝店開幕後就玩失蹤，活動當日應采兒亦表示︰「一早計劃好減少接戲，想造人和輕鬆一點。」
之後10月萬聖節派對，應采兒曾懷疑自己有餡：「有朋友問采兒係咪有咗，采兒就話『唔知係咪呢！』」去年尾應采兒媽媽在台灣龍山寺還神，仲講明幫個女同女婿祈福，據知𠵱家應采兒剛剛懷孕3個月。
本刊曾致電應采兒，但一直未有接聽，而她的經理人就表示︰「我哋未收到通知，等我了解吓先。」中年得子的小春就心急在微博晒又度size、又晒BB手掌，蛇B未出世，父愛先泛濫。
善有善B
近年努力在大陸掘人仔的應采兒，上年10月在北京發起「愛星衣社」，專門收集藝人二手衫，再放到淘寶網義賣，其中七成收益會用作慈善，例如購入禦寒衣物，寄到青海玉樹幫貧困學生；除了小春外，好姊妹Yumiko都有出一分力，就快結婚的Yumiko，唔通都想學善心丁丁快啲做阿媽？
1.慈善義賣
老公小春亦有捐出衫義賣，婦唱夫隨。去年尾才成立嘅「愛星衣社」，港星方面有小春夫婦和鄭希怡，亦有幾位國內明星力撐。
去年10月，應采兒就為南丫島船難死者哀悼齋戒。
3.寺廟祈福
去年12月，應采兒父親在微博上載丁媽去寺廟為女兒祈福的相片。
高齡星爸
近年娛樂圈多喜事，大部分都是高齡星爸，最強是51歲的劉德華，果然有心有力。
