容祖兒同師兄劉浩龍打得火熱，天后仲唔介意幫男友硬銷新歌，不過有人歡喜有人愁，一度追求Joey嘅MV導演Heison Ng，就打咗入冷宮。
上星期三（2號），FBI喺九龍城撞到素顏吳雨霏，咁啱Heison就同佢一齊，原來係幫佢拍花絮，但拍拍吓，Heison又會幫Kary撥吓頭髮，FBI都feel到有啲瞹昧。排舞排到夜晚8點幾，Kary同Heison一齊落樓，同行仲有女助手，之後就分開上車離開，暫時未有下文！暫時咋！
Kary俾G.E.M.經理人寸完「叱咤」分獎唔勻，就話自己出道10年，暗示夠晒資格拿獎，好在Kary前輩早出道，𠵱家25歲素顏都唔算趕客。
再次開紅館，又啱啱喺叱咤拎咗女歌手銅獎，Kary日排夜排，唔敢偷懶。
Heison不經意咁幫Kary撥頭髮，似乎幾friend咁喎！一落到樓，Kary就示意上車走人，同Heison分開走。
