童星出身的黃美棋（Maggie），4歲開始入行拍戲，其中最令人印象深刻的是在電影《行運一條龍》，幫爺爺買蛋撻的「小芬女」。
不過7年前，Maggie為學業而暫別娛樂圈，喺美國著名學府柏克萊加州大學讀完經濟系回歸，做過一年OL，都係頂唔順朝九晚五呆板生活，大戲癮令Maggie又重回娛樂圈。事隔15年，星爺當然唔係「可憐蟲」，而小芬女亦已長大成索少女，更被王維基睇中，簽做香港電視HKTV旗下藝人，23歲女有樣有身材，亦旋即被網友封為「美棋BB」。
黃美棋Maggie Profile
身高：160cm
三圍：33C、24、35
學歷：美國柏克萊加州大學經濟系
興趣：網球、保齡球
偶像：鄭秀文
擇偶條件：粗眉、正氣、決斷
黄美棋愛打保齡球，有次同朋友「碌lane」時上載一張「勝利」相，因身材突出而俾網民like爆，被封為「美棋BB」。
在美國名校柏克萊大學辛苦讀完4年，美棋BB仍決意做藝人。黃美棋自言只因童年在片場有太多美好回憶：「細細個同好多明星合作，我記得梅姐當年成日捉住我四圍走，佢真係好好人，冇架子，又好似拍《陀鎗師姐》時，歐陽震華、蔡少芬佢哋都教咗好多拍戲上嘅知識畀我知。我有時真係覺得嗰時片場所學嘅嘢多過學校，不過由細到大，我應承媽咪一定要學業行先，所以到F.6我就過咗美國讀大學，返嚟之後都做過一年marketing，不過實在太沉悶啦，我接受唔到，所以都係想入番娛樂圈，最希望可以拍電影。」
美國拖富二代
返香港簽約王維基的香港電視，又因一張自拍打保齡球相，搞到班高登仔流晒口水，小芬女變身美棋BB，黃美棋就話做BB好過做女神。「有朋友cap咗啲高登留言畀我睇，都覺得開心嘅，咁叫BB好過叫女神，始終我都未夠班。」
在美國住過5年，黃美棋試過同富二代拍拖，但最終都因家境問題分手。「嗰時識咗個有錢男友，係中國人嘅富二代，但始終都係唔夾，可能家境太過懸殊啦！我覺得揀男仔最緊要決斷同正氣，有冇錢都唔係重點。」美棋BB不一定愛富家子，高登仔有福啦！
BB與巨星
黄美棋加入王維基的香港電視，與唐禹哲和詩雅拍《還來得及再愛你》，亦是HKTV首部開拍的電視劇。
美棋BB小時候精靈得意，4歲同媽咪行街被星探發掘，最經典是在《行運一條龍》，幫爺爺買蛋撻的「小芬女」一角。
