要數沈卓盈與賈曉晨（JJ）的共通點，當然是大家都屬「女神」一族，難得兩人卻沒有被這個稱號「羈絆」，平時無懼以素顏示人，醜女角色，只要有發揮，一樣照接！被封為女神，當然有不少宅男粉絲，JJ坦言曾因戴上一枚戒指，被狂迷誤會是婚戒而遭到喪罵，令她大感無奈！
JJ（右）不介意素顏出街，沈卓盈則視乎場合而打扮。
沈：JJ，你一向都被封為宅男女神，其實你會唔會覺得呢個稱號帶畀你好大嘅壓力？
賈：唔會喎，我平時唔開工，係唔化妝O架，屋企附近嘅街坊，一定都有見過我唔化妝個樣，唔會有壓力，只要舒服就得啦！你都係女神啦，你又有冇感到壓力呢？
同是女神一族的沈卓盈（右）與JJ，大玩自拍。
JJ只要有發揮，就算演醜女也不介意。
沈：都冇，有時仲會着到好隨便咁出街，因為我幾鍾意隨意嘅打扮！當然出席活動，就一定要扮到最靚，因為要尊重場合。
JJ出席活動時，總有大班fans撐場支持。
古天樂
沈卓盈（前）與JJ同是爽直性格的女仔。
賈：我都覺得你做得好好，keep得好好，唔會畀自己好求其，我都要向你學習，有時我都會有啲懶！
沈：因為有朋友成日督促我，我哋成日互相彈O架！好多人都覺得靚女演員多數做花瓶，JJ你會唔會都抗拒醜女角色？
賈：只要劇情需要，一定冇問題，我拍《飛虎》時，最尾嗰場我要化一個毀容妝，當時覺得醜到連自己都接受唔到，因為都要化幾長時間，搞到皮膚敏感，但為咗做好工作，乜嘢都值得。
沈：我都唔介意演醜女，只要有原因、有戲做，我都唔會介意。
遭恐嚇幾乎報警
記：兩位都係宅男女神，有無遇過狂迷示愛？
賈：我試過有一次戴咗一隻自己買嘅戒指，有一個粉絲見到即刻發癲喪鬧，猛問我點解戴中指，係咪訂咗婚，之後仲影咗張相，喺微博瘋狂轉發。
沈：嘩！都好瘋狂，係咪最厲害嘅一次？
賈：都唔係，仲試過有個人喺我個blog猛話我識得佢親戚嘅老公，但我完全唔知佢講緊乜嘢，佢仲叫我出街要小心啲，當時我真係好驚，差啲報警，但之後公司叫我睇定啲先，之後都冇報到。
偶像古仔地位不變
沈：最後一條問題，唔少人都知你係古天樂嘅fans，近年你仲同古天樂拍咗兩套戲，感覺點呀？
賈：好酷呀！第一次合作，我有小小緊張，會同工作人員熟啲，第二次，因為係同導演杜琪峯合作，導演好嚴肅令到個氣氛好有壓力，佢（古天樂）見到我驚，就叫我放鬆啲，之後再同導演合作，導演對我好nice，可能因為合作過一次，知道我係點樣嘅演員，我亦好開心可以同導演、古仔合作，而古仔到依家都係我心目中嘅偶像。
沈：我知呢排你都好忙，但都抽時間做我嘅嘉賓，好多謝你！希望你快啲可以有一個長假期，好好休息一下，之後再為事業衝刺！
女神之最各有所屬
沈：講起女神話題，你覺得圈中邊個女藝人係女神中嘅女神呢？
賈：周迅，我好鍾意佢，氣質好好。係一位好容易感動到觀眾嘅演員，唔知點解我見到佢已經想哭，如果有機會同佢合作，一定會好開心！
沈：我就鍾意舒淇同范冰冰，舒淇好有型格，范冰冰就靚得好完美，電力十足。講起電力十足，其實我成日覺得你好適合做夏迎春，因為你有一種嫵媚嘅感覺，好吸引人！
賈：哈哈，如果有人搵我做夏迎春，咁你可以做齊宣王，加兩撇鬍子，都幾有型喎！你嘅性格都好似男仔咁爽朗，我覺得自己性格好直，點知你仲直過我，有時真係直到令我有啲O嘴O架！不過，呢個都係你可愛之處。
From:
http://orientaldaily.on.cc/cnt/e ...0106/00282_060.html
