小巨肺G.E.M.（鄧紫棋）近日是非不絕，繼罷玩商台叱咤頒獎禮，再將暗寸商台的自拍片放上YouTube，原來連巨肺甄妮也不滿G.E.M.，日前她接受訪問時狠批G.E.M.不懂尊重前輩，大鼻得目中無人，基本家教也欠奉，唱歌如何了得也於事無補。
有巨肺之稱的甄妮（Jenny）將於下月18至20日在紅館舉行演唱會，其女兒Melody兼任導演、監製和服裝設計。提到演唱會有甚麼嘉賓？Jenny日前接受訪問時說：「真係好難，要諗囉，一定要唱得，又可以同我對唱，仲要係《射鵰》嘅歌，有幾多個得。」她透露以前也邀請過時下歌手做嘉賓，但有人不敢唱，更有人怕得連電話都不接。
「基本家教要有」
不過，說沒心水是假的，Jenny坦言最想同吹神陳奕迅過招。提到G.E.M.也堪稱小巨肺，問「堅巨肺」有否考慮來個肺鬥肺？Jenny一聽到G.E.M是小巨肺，即反問：「佢係巨肺？冇聽過佢嘅歌，頭髮剃咗一邊嗰個？但知道佢個名。」她續說：「就算唱歌幾好，幾有本事，但最基本嘅條件家教同禮貌應該要有，識唔識唱歌已經唔重要，其他嘢唔該好好學吓。」
G.E.M.最近辣着不少火頭，連樂壇前輩甄妮都開腔寸她。巨肺甄妮寸小巨肺G.E.M.冇禮貌，佢教訓後輩唱功雖然重要，但待人接物嘅態度都不容忽視。
甄妮下月在紅館開騷，坦言很難邀請唱得之人做嘉賓。甄妮指G.E.M.見面時不打招呼，非常大鼻。
原來Jenny早前在一個大球場活動上碰見過G.E.M.，她稱G.E.M.在自己身旁連一個招呼也不打，Jenny暗寸說：「佢睇我唔到，我唔夠大隻咩？我咁大隻佢都睇我唔到，你話我會唔會用佢。」
Jenny反而大讚鍾舒漫說：「佢主動同我打招呼仲自我介紹，因為我唔識佢，佢好有禮貌，我哋仲有合照。」Jenny表示伸手不打笑面人，但如果如此大鼻，就真的要慢慢長大，如此目中無人，就算唱功再好有甚麼肺也於事無補。
From:
http://hk.apple.nextmedia ... 130104/18122615
