2012年全港票房賣座亞軍的《低俗喜劇》（4,000萬《寒戰》排第一），賣港味講粗口、講鹹濕嘢，勁收超過3,000萬，證明低俗有市。彭浩翔、杜汶澤即刻添食，本月將開拍以飛虎隊召妓為題材的電影《飛虎出征》。
《飛》為彭浩翔08年的網上短篇小說作品，其中描寫飛虎隊召妓場面繪影繪聲。有「一王二后」及「裸跳艷舞」等情節，不過最爆都係「蜜蜂採蜜」呢招新性愛花式，意思係用腳趾公做愛。連主角杜汶澤都興奮話：「我練定腳趾公等佢！」
DaDa上次喺《低俗喜劇》飾演爆炸糖，仲素顏凸點演出，加上被提名金馬獎最佳女配角，令佢由𡃁模變為演技派女星，𠵱家仲有3部戲等佢拍，認真搶手
《低》片本少利大，彭浩翔cult片有市，如果《飛虎出征》又掂，彭浩翔以前寫落嘅網絡短篇小說肯定有排拍，唔愁冇題材。
只花12日拍攝嘅港產片《低俗喜劇》，上年刀仔鋸大樹成為年度最賣座港產片第二位。彭浩翔及杜汶澤即刻添食開拍《飛虎出征》，內容講述飛虎隊召妓趣事。該橋段其實係彭浩翔08年網上連載的壞品味小說內其中一個名為《特別任務連》的短篇小說。小說中描述4位飛虎隊成員偷渡返大陸嫖妓嘅故事。
《飛虎出征》講咩?
王敏德戲中飾飛虎隊揸fit人，不過就冇帶隊去澳門召妓。
《飛虎出征》改篇自08年彭浩翔網上創作嘅短篇作品《特別任務連》，故事講身為飛虎隊長嘅杜汶澤見3位成員余文樂、曾國祥和鄒凱光士氣低落，於是諗住偷渡去澳門叫雞振奮士氣，最後遇到差人查牌嘅故事。阿澤表示：「主要係講男人嘅友情啦！好多時男人嘅友情都係建立喺叫雞嘅時候。有少少似當年《大丈夫》。但當然有唔同啦！」
叫雞4虎
曾國祥~小說入面除咗阿澤之外，仲有3位飛虎隊成員陪阿澤去叫雞，但確實角色係邊個演，彭導就話未有定案。
阿澤操定fit~阿澤一向肥仔嘜，今次為做飛虎隊隊長一角，幾乎日日喺gym加操，不過佢話會練埋腳趾公，等拍「蜜蜂採蜜」
炮兵團澳門揀女~小說場景雖然喺內地，不過要喺內地拍呢類召妓題材嘅電影太敏感，所以幾位男主角睇「金魚缸」揀女一幕亦會移師到澳門取景。《壹週刊》圖片
《低俗喜劇》內阿澤同DaDa有好多肉搏場面，但全部點到即止。今次拍《飛虎出征》，阿澤話：「一收劇本已經追問佢（彭浩翔）啲肉搏場面喺邊？𠵱家佢都未答到我。」
《飛》片除有彭導演班底杜汶澤及余文樂孭飛外，還有鄒凱光、曾志偉仔曾國祥齊齊做飛虎隊成員。小說中幾位主角對白相當到肉，大講如何令女性有高潮。
彭浩翔上月尾接受訪問時說：「會係《春嬌》加《低俗》嘅混合版，所以搵番兩套戲嘅男主角余文樂及杜汶澤。有警察當然要有粗口，冇咪好似飛虎隊冇槍囉。」
至於實戰場面的描述，比起《低俗喜劇》更激，拍得住《一路向西》，相信4位主角都艷福無邊，除咗有一王二后的做愛場面，更有講主角被妓女用一招叫「蜜蜂採蜜」嘅秘技服侍，意思即是用男客人的腳趾公放入妓女下體，比爆炸糖口爆更激。
邵音音冧莊開鴨店
《低俗喜劇》內有一場戲講邵音音拍《官人我又要》，成為全城話題，報道更話彭浩翔打算於今年開拍《官》片，請邵音音演出。而份屬《低》劇班底嘅邵音音，今次亦有份演出《飛》片，戲中飾演鴨店老闆娘，同阿澤、曾國祥有唔少對手戲。
《低俗喜劇》除咗爆出DaDa外，另一個就係邵音音，嚟緊仲會開拍《官人我又要》，不過都要等完成埋《飛》片先再度期。週一（31日）音音姐喺觀塘拍撞車戲，她說：「我淨係知做鴨店老闆娘，其他嘢唔知喇！講咗邊有人睇？」
《飛》片老闆Paco爆料：「套戲冇女主角，有都係配角，最重戲分嘅依然係一班男演員。」
離奇入圍百大美女
DaDa入選TC Candler 100大美女，不過呢個網站就冇乜公信力，只係一個熱愛電影嘅職業賭徒叫TC Candler搞嘅分享網站，網站聲稱為電影愛好者，絕望的浪漫主義者，仰慕藝術美感和好奇心的人而設。唔緊要啦，DaDa出到去有人識咪得囉！
美國電影網站TC Candler公布「2012百大最漂亮面孔女星」名單中，DaDa竟排名44位，出名靚女嘅少女時代允兒都係排50位，性感女神Scarlett Johansson更只排100位，認真騎呢
𡃁模出身嘅DaDa憑《低》片爆炸糖一角，威到去台灣。早前去台灣出席金馬獎，經理人施念慈都傍到實，今時唔同往日。
靜咗好多年嘅陳果拍完呢套由DaDa、陳慧琳、梁家輝嘅鬼片後，將會拍高登小說《那夜凌晨，我坐上了旺角開往大埔的紅VAN》，更屬意梁洛施做女主角添！睇嚟網絡小說有排hit。
杜汶澤：一定親身上陣
主角之一嘅杜汶澤連日來除籌備首個棟篤笑騷外，亦密密去gym操肌。
他接受電話訪問時大表興奮：「蜜蜂採蜜咩嚟㗎？佢（彭浩翔）冇同我講嘅？咁搞笑，一定要拍喎。如果淨係要我隻腳趾公，唔使我日日做gym咁辛苦啦！等我練定腳趾公等佢……一定親身上陣！」。
DaDa唔使露
擁有33E導彈身材，今年23歲嘅DaDa靠性感突圍，不過自從今年被提名金馬獎升呢後，DaDa已開始封胸。最後一次賣大包已經係上年9月示範內衣。宅男儲相要趁早喇。
阿澤練定腳趾公等開工，而上次《低》片爆起的爆炸糖DaDa（陳靜）亦落實演出《飛》片，不過今次竟然唔使露。
DaDa的經理人施念慈說：「佢係演杜汶澤老婆，唔係妓女，所以唔會有露肉場面。」
據知DaDa現忙於拍陳果執導的鬼片，嚟緊1月中將會埋位拍《飛虎出征》，緊接2月又會拍攝內地片商投資的驚慄片，更會到泰國取景。失落金馬獎，一樣紅得起！
性片當道
除咗《低俗喜劇》收得，2012年唔少講性嘅電影都高收，睇嚟2013年好大機會係性片跑出！呢啲戲本少利大，加上有香港特色，惟獨喺內地就有機會被禁播，國內市場就未必咁受喇。
《低俗喜劇》收3,073萬
《一路向西》收1,919萬
《喜愛夜蒲2》收810萬
