出名係孝順女嘅唐詩詠，留咗泰國2個月拍電影《逃出生天》，聖誕前趕返港陪屋企人。
上月尾，素顏唐詩詠唔使開工，就陪老豆喺將軍澳君薈坊商場飲茶兼shopping，全程繞實老豆嘅唐詩詠，先陪爸爸去中藥鋪入貨，買咗一大袋之後，再去電器鋪睇飯煲，家陣好少後生女咁有耐性咁顧家，呢位仲要係TVB上位姐仔，抵讚！
買藥材
難得唔使開工，唐詩詠陪老豆歎完茶，再留喺商場慢慢行，唐詩詠全程繑實老豆。見到中藥店大減價，唐詩詠同老豆都入唔少貨，左揀右揀，留咗成半個鐘先捨得走。
揀飯煲
唐詩詠入到日本城即慢慢研究飯煲，不過最終都揀唔啱。
