叱咤慶功宴，容祖兒劉浩龍世紀合照

【今日我至冧】容祖兒同劉浩龍笑容一致，𠵱家兩人對戀事都唔避忌，仲公然調情，睇吓祖兒個樣冧爆就知幾開心啦！

容祖兒和劉浩龍去年公開戀情後，一直將感情事低調，即使同場出現，兩人都顯得十分避忌，不過前晚在叱咤的頒獎禮舞台上兩人卻一反常態，高調握手傾偈；到慶功宴，祖兒更大方貼近愛郎合照，似乎有意將戀情浮面。

容祖兒前晚盛裝出席「2012年度叱咤樂壇流行榜頒獎典禮」，雖然坐到尾段才上台表演，但未知是否因為男友劉浩龍（師兄）等足15年才首奪叱咤歌曲獎，所以祖兒昨日凌晨到都會海逸酒店出席慶功宴時表現風騷過人，就連師兄亦滿場飛，周圍與人祝酒。



英皇助手遲了一步，後知後覺才叫羅力威和馮允謙分隔祖兒和師兄。

吳雨霏和陳奕迅同為環球歌手，兩人對成績都好滿意。

事實上祖兒和師兄一直都將感情事低調處理，不過前晚在頒獎禮現場祖兒即場握手恭賀男友，之後兩人在慶功宴上更首度大方合照，當他們等候司儀謝茜嘉叫名字上台影大合照，師兄先企在一旁，祖兒與助手緊隨其後，有記者提議兩人合照，祖兒即主動行近師兄身旁，師兄眼見女友大方行動，即靠近女友身邊，兩人全程甜笑，不過因所有記者都掛住影合照而冷落台上其他歌手，司儀即邀請兩人上台影世紀合照，但兩人就十分避忌，英皇助手即拉攏羅力威及馮允謙企中間分隔兩人。

祖兒日前在勁爆慶功宴上默認會吻賀師兄，但她昨日笑言承諾未兌現：「握手有乜嘢問題？要恭喜就要做。」對於鄧紫棋（G.E.M.）炮轟商台頒獎禮機制，就連何韻詩都有開聲，祖兒表示阿詩只是分享意見：「如果一件事冇人提就代表死，好開心呢個地方有好多人緊張，未到你時，不如諗係咪未做得最好，時間輪到你就係公平，只係欠少少時間。」

師兄得戚

問師兄女友是否已送上香吻時，他即得戚說：「屋企嘢唔同你哋講，開心1月1日有咁好禮物。」談到女友旺他時，他即表示祖兒不是叫阿旺，但就不肯透露平日稱呼女友的暱稱。此外，商台高層甘菁菁對G.E.M.近日的言論說：「有好歌就會播，佢發表咁多嘢都冇話要ban佢，明白有啲DJ有播佢歌，但見到呢啲言論，唔開心係人之常情。如果冇播你歌，冇上冠軍，你話我哋就無可厚非。」

採訪：馬建華、王連連
攝影：陳順禎、陳志嵐

From:http://hk.apple.nextmedia.com/entertainment/art/20130103/18121090

自「龍兒戀」被踢爆後，容祖兒與劉浩龍（師兄）都甚少在公開場合上碰頭。前晚叱咤舉行慶功宴，祖兒主動與師兄合照，問到師兄有否收到祖兒的吻賀時，師兄甜到漏說：「屋企嘢公眾場合唔講喇。」


慶功宴心繫對方容祖兒與師兄於慶功宴上企定定大方任影。

叱咤樂壇頒獎禮前晚圓滿結束，一眾得獎歌手如容祖兒、師兄、陳奕迅等均有出席慶功宴，惟「我最喜愛的女歌手」楊千嬅因趕早機而未能出席。繼頒獎禮上，祖兒與師兄的公開握手引起話題後，慶功宴上的焦點又再次落到「龍兒」的世紀合照上！

正當司儀安排得獎歌手逐一上台影大合照兼祝酒，等埋位的師兄與祖兒原來近在咫尺，旋即引起現場記者舉機喪影，與師兄相隔五、六個身位的祖兒更主動表示：「你哋（記者）係咪要借位影呀？」說罷就主動走到師兄身旁，識做的師兄更挨近祖兒，兩人一副冧樣大方任影！不過，世紀合照維持不久，就被祖兒的助手「棒打鴛鴦」，助手拉埋羅力威及馮允謙攝位隔開師兄之餘，更以其身體遮擋祖兒。


陳奕迅獲頒３個獎項，成為大贏家。台下「蜜蜜」傾

戥對方開心
談到獲獎感受，相隔八年再度奪獎的師兄坦言非常感動，問到可想由祖兒頒獎？他扯開話題說：「由兄弟頒畀我最開心！（咁大方同祖兒握手？）恭賀啫。」問到祖兒的吻賀兌現未？師兄甜笑幾秒，並說道：「屋企嘢公眾場合唔講喇。（祖兒好旺你？）佢叫阿祖，唔係阿旺呀！」


祖兒勇奪叱咤樂壇女歌手金獎，High爆演繹歌曲。馮允謙

祖兒亦坦言為師兄得獎相當高興，至於有冇送吻祝賀？她笑言：「上次還上次，今次還今次，其實有啲歌手比較幸運，好快得到認同，有啲就要等，但證明等係值得。」另外，她又指出：「其實握手有咩問題？要恭喜就做o架啦！（頒獎禮上經常擰轉頭同師兄傾偈？）我都有同東南西北方向嘅人傾o架，個騷咁長，唔傾偈唔知做乜。」問到祖兒可有留意G.E.M.（鄧紫棋）暗寸叱咤短片？她直言：「我唔覺得佢有問題，世界冇懷才不遇，努力同實力戰勝一切！（何韻詩喺微博教訓G.E.M.？）分享意見啫。」

From:http://orientaldaily.on.c ... /00282_015.html