中港台歌手前晚喺台北小巨蛋演出「中歌榜群星演唱會」，由於中台關係敏感，場外有逾百人示威抗議，但無損歌手心情，王力宏、周杰倫、莫文蔚同章子怡等62名紅星齊齊亮相，創造咗華語流行音樂史上兩岸三地參演明星人數最多紀錄，但就有藝人疑喺後台打交。
今年中歌榜以牽手做主題，周杰倫仲拖住章子怡表演㖭。據講整晚得三個鐘演出時間，所以大部份歌手都拍檔演出，當中以莫文蔚最養眼，佢將腿跨過着禮服嘅李宇春合唱林憶蓮《玫瑰香》，佢哋又面貼面擁抱，李宇春笑住話自己綵排時好怕醜，上到台先敢咁放。王力宏似乎獲特別優待，唔只獨唱一首歌，仲同張靚穎合唱，最後全體大合唱時王力宏仲拖埋章子怡上台㖭。
From:
http://hk.apple.nextmedia ... 121231/18118458
