周秀娜約仔倒數大報復

周秀娜（Chrissie）男友陳偉成（Avis）最近被指帶o靚模Vivian返家過夜，有報道指他向人自誇下體鑲珠，Chrissie昨日直言男友有愛心，會收留無家可歸的流浪者，但為一洩怒火，正準備要男友跪玻璃之餘，亦為男友澄清他下體冇鑲珠，笑說我最清楚。



周秀娜率領一眾師妹出席活動。周秀娜在活動上大騷長腿，她更為男友澄清緋聞，力證對方冇偷食。

周秀娜（Chrissie）昨日率領一眾師妹陳靜儀（Mia）、Annie G.、Hidy、Hailey C.等出席宣傳活動，穿上短裙的Chrissie盡騷纖幼長腿，引來大批龍友撐場。

對象蕭敬騰
對於陳偉成（Avis）近日被拍搭上o靚模Vivian，雙方更返家過夜，Chrissie聞言後未有半點不悅，還主動為男友澄清，她謂︰「佢不嬲好有愛心（博愛？）係，我都成日話佢有愛心到會收留無家可歸嘅流浪者，其實嗰晚係成大班朋友去，佢有同我講，只係淨係影兩個人啫！我信佢，不過佢都死梗。（罰佢跪玻璃？）聖誕節我買咗好多酒，依家剩番晒啲樽喺度咁囉！不過有點我要幫佢澄清，就係佢冇鑲珠！可能咁寫過好多女仔鍾意佢，都戥佢慘，但佢真係冇。（你最清楚？）係囉。」


Mia大騷追求者送的欖形鑽戒。

談到Avis如此愛與異性約會，那麼她可會多約會男性？Chrissie笑謂︰「要啦！今晚我約咗師兄蕭敬騰，佢嚟開演唱會，倒數嗰日我會約好多男性朋友去玩，今次到我報復嘞！」Chrissie更指早前斥資3、400萬於北京置業。

而右手戴上欖形鑽戒的Mia，表示此乃陳姓追求者送的聖誕禮物，問到雙方是否發展中？Mia謂︰「觀察中，其實都識咗成年，只係近排佢有行動追求。（你送咩回禮？）cup cake。（你咪好抵？）我都唔知佢送呢份禮物畀我。」

From:http://orientaldaily.on.c ... /00282_021.html

周秀娜、黎耀祥、吳鎮宇昨日一起出席大陸活動時場面混亂，周秀娜遭扯手之餘又被男子「黐頭」影合照，嚇到「打個突」，而祥仔則被迫與小朋友同台尷尬表演。


吳鎮宇（左起）、黎耀祥、周秀娜在場有打手印儀式。周秀娜騷長腿出席活動，大嗌凍到差點起雞皮。

周秀娜、黎耀祥、吳鎮宇昨日於東莞為餐廳擔任開幕嘉賓，三個一到埗便被現場半百市民圍堵，寸步難行，坐下時又被不少阿叔、師奶fans圍住。期間周秀娜慘遭女fans扯手，甚為陰功，之後更有男fans忽然走過她身邊「黐頭」影合照，她即時被嚇親兼彈開。吳鎮宇則全程面露無奈之表情。

而黎耀祥在演唱期間，有位上了年紀的女人抱了一名一歲多的小朋友上台，小朋友更行到祥仔身邊，女主持見狀欲上前捉着他「解圍」，可惜失敗，祥仔惟有照唱，場面相當尷尬。


一名男子突然走到周秀娜身邊影合照。有小朋友突然被抱上台，與黎耀祥一同「演出」。

有猛男保護
事後周秀娜坦言被女fans扯手那一刻相當突然，她笑謂︰「好在嗰個女人冇gel甲，冇整親，自己近排都練咗身體，肌肉都頂得住，都唔擔心嘅，身邊猛男喺度。（係咪次次都咁混亂？）唔係，係今次咁勁咋！不過我自己都想拉住鎮宇同祥仔影相。」

凍到起雞皮
問周秀娜為何只露腿出席，她表示自己凍到「起雞皮」。她又坦言除夕將於北京工作。說到其男友，她謂︰「叫佢飛過嚟，（叫咗佢跪玻璃未？）未跪，都冇時間。」而黎耀祥指自己未試過與鎮宇一齊出席活動，說到亞視因藝人缺席上堂而被炒，祥仔表示：「不進則退，學嘢係應該，不過要讀亞視歷史就無謂。」

From:http://orientaldaily.on.c ... /00282_011.html