周秀娜噚日帶同一班師妹Mia、Annie G同Hidy等，去到尖沙嘴出席首飾活動，最近喺北京買咗樓嘅娜姐收起性感改騷長腿。早排娜姐男友Avis被指同模Vivian夜蒲完返屋企過夜，娜姐就話：「我屋企有好多酒樽，佢今次有排跪玻璃，我覺得佢好博愛，我就嚟送番自己設計嘅心心首飾畀佢掛喺身。」娜姐又話：「報道話佢嗰度鑲咗珠，所以好受女性歡迎，我要講佢係冇鑲到任何嘢。」騷咗啲事業線嘅Mia話有位圈外人陳先生追求佢，聖誕時仲送咗隻鑽戒畀佢，Mia噚日戴埋出嚟示威，又話最快要情人節先答覆接唔接受人哋追求。Mia近日又趁節日帶對仔女出去玩，仲將佢哋嘅相貼喺Instagram。
From:
http://hk.apple.nextmedia ... 121229/18116597
