陳奕迅壓軸登場唱《重口味》，但當時已有不少觀眾離場。
陳奕迅（Eason）前晚在新城頒獎禮憑《重口味》壓軸登場攞勁爆歌曲獎，他表演時已過凌晨12點，差不多全部觀眾都已離場，現場出現很多空凳。對於古巨基今年缺席所有頒獎禮，令Eason少了個強敵，Eason說：「作為朋友尊重佢，我去咗頒獎禮咁多年都好攰，但我係阿崩隻狗，越叫越走，如果公司求我去，我反而唔會去。」至於曾志偉涉掌摑事件及梁漢文發聲明，Eason說：「自從我之後興咩（指發聲明）？冇乜嘢要講，睇到厭，唔好搞我屋企人。」
新城台長朱明銳解釋獎項增至163個是因多了數碼台，他說暫會實行缺席冇獎制度，對於岳薇和黃偉文缺席仍有獎，古巨基卻沒獎，朱說：「岳薇同黃偉文唔舒服，但感覺到佢哋想嚟。基仔公司英皇一個月前通知唔嚟，佢有好多理由，可能要結婚、搵錢令佢唔想嚟。」
From:
http://hk.apple.nextmedia ... 121229/18116718
