天氣凍，最好嘅禦寒方法，莫過於食多啲嘢。早前宣布會喺2013年結婚嘅Yumiko，就俾媽咪姐𥄫到佢同化妝師男友Andy去咗西貢食嘢。Andy係「愛妻號」，飯後叫Yumiko上車等，自己就走咗入街市入貨。見佢一個人揀咗半個鐘，買咗唔少海鮮，以兩個人嚟講都幾誇張！之後就冒住雨，急步上車同準老婆會合，一齊返愛巢煮飯仔。呢個男友都算有heart！可惜佢攞漏咗把遮，搞到自己同Yumiko都變咗落湯雞，要扣番小小分嘞。
等咗半個鐘，Andy買咗兩大袋海鮮，急急腳上保母車。落雨天濕咗身，Andy凸咗個腩仔，要減減嘞！話晒就快做新郎嘛。
