無綫頒獎禮曲終人散，有份提名視后嘅徐子珊最終輸咗俾楊怡，可能喺《雷霆掃毒》被強姦一幕被刪剩得嗰一秒，令觀眾睇唔到佢嘅傾力演出啩！
不過諗深一層，有得提名都算好，喺《雷霆掃毒》飾演子珊「白痴細佬」嘅麥子樂，演技都備受讚賞，但就連一個提名都冇。難怪嘅，鬼叫佢同林文龍、郭可盈一樣，過咗檔去香港電視咩！
不過電視牌照遲遲未發，大家都比較悠閑。早前媽咪姐就喺大坑見到佢一支公拎住袋衫去洗，經過7仔更刨晒所有雜誌封面。咁留意娛樂圈動向，媽咪姐都希望你有得發圍！
《雷霆掃毒》中，麥子樂（右）飾演徐子珊嘅「白痴細佬」。角色雖小，不過備受網民讚賞
麥子樂趁休息日，一支公將屋企啲衫拎去洗。
之後佢去咗7仔買嘢飲，邊飲邊喺店外刨雜誌封面。
