高登負評女王卓韻芝上星期在微博上載性感自拍照，不再浮誇轉玩素顏眼鏡低胸Miss look，成班宅男即刻狗衝爭住正評，截至週一（17日），正評已達1,100個，地位仲急升至跟鍾嘉欣及陳嘉桓同等至「BB」級數，高登仔身體果然特別誠實。
原來韻芝BB改變形象只係前奏，最近更簽埋周秀娜間經理人公司，隨時同班剝模同台較量，不過佢話露事業線並非有心，高登仔有幾like佢亦唔care：「咪當末日前派特別息囉，睇佢哋like得我幾耐？」
一向形象前衞、衣着突出，眼皮上嗰兩點，加埋巴巴渣渣性格，卓韻芝一向被視為港仔公敵，在高登討論區中更有「負評女王」稱譽，估唔到最近兩張素顏自拍相，竟然令這港女人辦大翻身。
刻意斯文眼鏡娘
週一（17日），記者與卓韻芝做訪問時，阿芝貫徹形象，素顏、眼鏡，而且剪埋短髮，仲純情過陳嘉桓BB，除咗條罅！
第一擊掂
上星期，阿芝完成咗個劇本後，自稱素顏（有畫眉喎）低胸落街，自拍放上微博，之後再放多張低胸相，高登一樣當寶。
再益街坊
當派特別息囉！真實對白
網友改圖之餘，仲個個勁讚，更罕有地畀正評。
搣甩兩點
卓韻芝自稱四年前「唔覺意」喺眼皮加多兩點，呢個look就跟咗佢四年。但近來阿芝覺得悶要轉新look，佢話：「其實我真係冇刻意要轉形象，只係覺得悶悶哋，想改變吓啫。我呢排不停寫劇本，成4、5個月都冇化妝，覺得原來素顏好好feel。放第一張相上去嗰陣就係完成咗個劇本，終於搞掂一個大project，開心到要素顏食早餐呀！」2張相便由負評女王變咗韻芝BB，阿芝表示：「我真係好少上高登，上高登好麻煩，其實正評、負評都冇所謂，I don't care，我當末日前派特別息，咪睇佢哋like得幾耐囉！」
谷真胸
企定定射喱眼，更挺胸show quali，不過椰殼胸冇隆但似加墊。
掩嘴「笑女」
訪問期間，阿芝連笑嗰陣都少女味十足，故意用手遮口遮髀，演技真好。
𡃁模敵人
卓韻芝喺主持《三個女人一個墟》時仍然係巴巴渣渣巫婆look，同𠵱家嘅形象好唔同。
訪問當日，阿芝堅持穿自備緊身白背心，擺親post都自動波夾手，但就死唔肯除冷外套扮矜 持。卓韻芝話：「其實我身材一向都係咁，我不嬲都性感㗎啦，我喺商台都係咁，總之每日都要帶畀同事視覺刺激，我三圍你上網都check到啦！」
突然走性感路線，原來阿芝最近簽咗周秀娜同一經理人公司（GME），本刊搜遍維基百科及其餘網頁均沒提及阿芝三圍，反而在GME官網內有她玩嘢自稱36、24、36魔鬼身材，之前喺電台節目《罪該萬死》公開話過周秀娜係敵人的卓韻芝，家陣變咗同門師姐，阿芝就笑話：「𠵱家我先係佢最大競敵呀！其實冇話師唔師姐嘅，年紀上咪係囉，同佢（周秀娜）只係見過一兩次，不過簽呢間公司（GME）係因為同呢度啲人夾囉！」
而周秀娜對於新敵人加入公司，娜姐表示：「其實同佢（卓韻芝）唔熟，不過多啲人加入都係好事，人多熱鬧嘛，反正我哋公司咁多元化。」化敵為友齊齊搵錢最實際啦！
由未成年女到BB
卓韻芝入行19年，做過DJ又做埋才女，雖然自己話鍾意着得性感，不過一直冇乜港仔buy，點知一張低胸相就搞掂班狗公，早知咁簡單，阿芝就晨早搣甩兩點啦！
負評最多
《蘋果日報》圖片
今年5月，Lady Gaga來港開個唱，阿芝化身港版Gaga網友勁彈，除咗用「妖孽」外，又話佢「醜人多八怪」，高登負評迅速突破6,000個。
老外床照
行為一向大膽嘅阿芝，今年2月喺微博放咗同法籍男模嘅床照，佢話當時只係覺得幾得意玩吓啫，問佢家陣感情狀況，阿芝就話：「我家陣冇拍拖，有暗戀人呀，不過最近太忙都冇搵佢囉！」
年輕重口味
《蘋果日報》圖片
阿芝話自己喺商台年代都經常超性感打扮，不過本刊摷勻成個資料庫都冇佢嘅性感相，反而騎呢衣着就一堆，果然係夠晒「視覺衝擊」。
剝模唔怕比
33歲卓韻芝輕輕露少少事業線即揮贏唔少靚模，高登仔幾時變咗愛中女重口味？
我身材好過佢！
23歲嘅Mia雖有一囝一囡，但話晒出過寫真，大膽程度遠超阿芝。對於阿芝露事業線，佢話：「我身材好過佢好多喎！」
冇得比較喎！
8模出身嘅Jeana，自從同張栢文拍拖後就收起性感，𠵱家出席活動都唔會太暴露，Jeana對阿芝露事業線成為熱話，佢表示：「其實大家唔同路線，冇得比較！」
