今年44歲嘅王馨平（Linda）前晚喺九展舉行「2012別問我是誰演唱會」，老公Stephen、趙式芝同Sean、傅明憲同莊家彬前後腳到場支持，余文樂就以電影《志明與春嬌》角色張志明署名送花籃，舊愛鄭嘉穎都有送，花籃仲放喺當眼處。
欠嘉穎一餐飯
成晚個唱Linda十足大喊十，皆因好姊妹、寶麗金小花黎瑞恩同周慧敏（Vivian）都嚟撐場，當佢同黎瑞恩唱完新歌《風中的早晨》仲攬住喊。之後Linda唱《單車》送畀老父王羽：「我自細父母離婚，爹哋好嚴同舊派，我唔係大家眼中乖女，會主動打畀男仔。爹哋想我做醫生、律師唔好做記者，但偏偏我去讀新聞系，爹哋由細到大唔想我哋三姊妹嫁，直至年幾前佢中風，我陪佢休養，第一次好親密同佢講話好快冇事。」講完又喊。
已經係熟女嘅周慧敏（右）同王馨平做埋動作唱《美少女戰士》。
今年44歲嘅王馨平（Linda）前晚喺九展舉行「2012別問我是誰演唱會」，老公Stephen、趙式芝同Sean、傅明憲同莊家彬前後腳到場支持，余文樂就以電影《志明與春嬌》角色張志明署名送花籃，舊愛鄭嘉穎都有送，花籃仲放喺當眼處。
欠嘉穎一餐飯
成晚個唱Linda十足大喊十，皆因好姊妹、寶麗金小花黎瑞恩同周慧敏（Vivian）都嚟撐場，當佢同黎瑞恩唱完新歌《風中的早晨》仲攬住喊。之後Linda唱《單車》送畀老父王羽：「我自細父母離婚，爹哋好嚴同舊派，我唔係大家眼中乖女，會主動打畀男仔。爹哋想我做醫生、律師唔好做記者，但偏偏我去讀新聞系，爹哋由細到大唔想我哋三姊妹嫁，直至年幾前佢中風，我陪佢休養，第一次好親密同佢講話好快冇事。」講完又喊。
王馨平喺演唱會上變咗大喊十，喊到係咁抹眼。同樣好耐冇上台唱歌嘅黎瑞恩，都話心情好緊張。
跟住45歲嘅Vivian同Linda合唱卡通片《美少女戰士》主題曲，Vivian話：「記唔記得動作？幾十歲先做，大家頂唔頂得順？我都有啲驚。」唱完兩個又攬住喊。安哥時Linda為亡母林翠唱《I Honestly Love You》。完騷訪問講到嘉穎送花，Linda話：「唔知，我仲欠佢一餐飯。」會唔會投佢一票爭無綫台慶視帝？Linda話唔識冇參與。
