今年台慶頒獎禮玩全民投票，唔少人都睇好fans夠多嘅林峯攞視帝，不過有隻黑馬絕對不容忽視，講緊嘅咪就係啱啱喺大馬「Astro頒獎禮」攞咗視帝嘅馬國明囉！
上周三（5日），佢喺台灣墾丁大街拍《衝上雲霄2》，當日落住大雨，但佢冇搵人做「死擋」，全程自己擔遮。其間有妹妹粉絲上前要求影合照，有求必應嘅馬明索性拎開把遮，踎低同妹妹影相。嗱，呢啲咪識做囉！萬人迷林峯都未必會咁做㗎。
NiceMan
馬明好識做，冒雨攬住妹妹影合照，親民到呢。
同場加映 病到嘔
江美儀喺台灣拍外景時，咳到出血要睇急症。當日佢嚟到外景場地，要工作人員全程幫佢擔遮。
