張栢芝同章子怡早排套《危險關係》喺香港上畫，當然唔叫好又唔叫座啦。梗係啦，栢芝有朵叫「票房毒藥」，之前嗰四套戲票房都仆直，雖然今次有章子怡，但「國際巨星」嘅觀眾緣都……
不過，唔理大家點插都好，佢哋都唔係太在乎。早幾日，媽咪姐就見到章子怡係中環shopping，佢喺置地揀完戰利品就兩手空空鬆人。最令媽咪姐意想不到係章子怡竟然笑住對鏡頭，好似好nice喎。啱嘅，「國際巨星」唔驚做埋票房毒藥咩！
一向唔like狗仔隊嘅章子怡，今次面對突如其來嘅採訪，竟然笑晒同大家揮手，跟以往要喊打喊殺的態度明顯唔同。掃完名牌嘅章子怡兩手fing fing走人。「國際巨星」喎，買名牌梗係包送貨服務嘅。
章子怡早前出席韓國富山電影節，為《危險關係》造勢，笑得幾燦爛！
