《衝上雲霄II》繼早前去咗英國同巴黎取景，上月尾再出發去台灣墾丁埋尾，雖然拍攝期間是非多多，不過FBI就收到風，入面每pair情侶，除咗張智霖外，統統有情人終成眷屬，大團圓結局。
墾丁最後一場戲係講陳法拉最後都係選擇咗「Sam哥」吳鎮宇，法拉仲主動拉住Sam哥隻手。就係呢個結局，令忠於胡杏兒嘅粉絲喺微博鬧爆！
曾經因為遲到埋位而令Sam哥（吳鎮宇）爆晒粗嘅陳法拉，最終都同Sam哥一齊，仲喺墾丁一個勁靚海景嘅地方拍埋最後一場攬住睇海戲。
而劇中再次出現，今集飾演飛機維修員嘅胡杏兒就同高級副機長吳卓羲一對；之前喺巴黎就已經拍咗羅仲謙同胡定欣嘅婚禮；最後仲有江美儀同馬國明呢對忘年戀都成功撻着埋。咁靚佬張智霖呢？咪最後為咗成全法拉同Sam哥，全身而退囉！
明知FBI在場，法拉忽然伸懶腰。FBI想問，伸還伸，點解要除外套，仲露出黑色bra呢？
Chilam喺《衝II》都係飾演型仔飛機師，呢一幕喺墾丁嘅Sam哥法拉海灘談情戲佢都有出現，但就係被飛嗰個，Chilam等埋位期間已練定苦笑，夠晒投入。
飾演副機師嘅羅仲謙就會同空姐胡定欣結婚。其實現實真係冇乜幾多空姐會俾機師睇中囉！網上圖片
胡杏兒喺《衝II》一人分飾兩角，先係做番Sam哥老婆蘇兒，但出兩集就死咗，之後再出現做另一個飛機維修員角色，仲同Sam哥細佬吳卓羲撻着，TVB嘅電視劇認真有創意。網上圖片
杏兒賣萌
喺墾丁，後生仔就話出去曬太陽，四十有一嘅江美儀就選擇約埋班尼姑好友見吓面，之後佢仲因為感冒未清，孖住尼姑去醫院睇門診。
