上星期四（六日），雜誌舉行頒獎禮，獲獎圈中人包括唱得嘅李玟，同二十年前喺徐克部《新龍門客棧》合作過嘅梁家輝、甄子丹。
攞住個年度人氣演員獎，戴超梁家輝當自己攞影帝咁，high到呢！
近排日日踩十幾個鐘拍《冰封俠》嘅甄子丹，依然抽時間親自到場攞獎，十分俾面。
十年又十年，打得甄子丹今時今日身價三千萬人仔起跳，好戲梁家輝雖然三度稱帝，但片酬就同宇宙最好打有相當距離，直至早排《寒戰》大賣，片酬先加到去六百五十萬。
二五話甄子丹孭飛嘅新片《冰封俠》有個大反派，本來諗住搵梁家輝，不過佢一口推咗唔接。咁梗係，廿年前梁家輝係第一男主角，當時嘅甄子丹先係做大反，家陣庄閒掉轉晒，仲邊有「飛屎」呀！又唔係等錢開飯，家輝哥呵！
李玟話見到梁家輝就諗起對方喺《情人》一片露股畫面，咁閣下個籮，都唔弱。
