呢位禿頭阿伯，聲稱同陳松伶一樣四十一歲，十歲開始聽佢唱歌喎！
有九年冇出過唱片嘅陳松伶，最近重施故技，推出翻唱別人的歌嘅發燒碟，繼早排返香港上《勁歌金曲》做宣傳，上個禮拜五（三十日）再去到廣州，舉行三場唱片簽名會。
長年定居北京，加上工作重心北移，陳松伶簽名會反應唔差，大班阿叔阿伯排長龍等見偶像，搞到响正隔籬打對台搞簽名會嘅雨僑，冇人埋嚟拍晒烏蠅，唯有閃入休息室避風頭。
因為老公張鐸怕佢身體唔好，陳松伶聽晒老公話唔減肥，周身幸福腩肉，仲賺到條四吋事業線，另一場簽名會以低胸裝亮相，電到班阿叔暈陀陀。
可唔可以唱烏卒卒我聽呀！雨僑原本响正隔籬搞簽名會（紅圈），但歌迷人數遠遠唔及陳松伶，唯有閃返入休息室遮醜。
陳松伶同歌迷講解當日錄發燒碟情況，大騷四吋事業線。
