樊少皇偷雞接賈曉晨

樊少皇戀上細佢成十年嘅「宅男女神」賈曉晨（JJ），兩人愛得痴纏，搞到滿城風雨就係人都知㗎啦！上周六（1日）JJ喺旺角街頭出騷引咗成班龍友捧場，雖然佢因為拍外景遲咗成粒鐘，但班龍友一句怨言都冇，為嘅都係想見女神一面！當JJ同記者講話希望喺世界末日前見到男友，那邊廂媽咪姐就見到樊少皇偷偷過咗嚟旺角接女朋友收工，真係恨死隔籬啦！





見到女友俾咁多人圍，樊少皇笑得勁high，但搵手機遮面。大方啲啦小男人。


JJ一向唔孤寒晒事業線，咁識做，唔怪之得力王不惜要飛起拍拖多年嘅女友都要拜佢石榴裙下啦！