■鍾嘉欣努力演好角色博得觀眾支持，爭獎信心大增。
鍾嘉欣微博坐擁123萬粉絲，facebook有728,889個人讚好。論人緣、講人氣，普選視后，嘉欣絕對有機可乘。黑馬嘉欣以本年度最高收視劇集《護花危情》中的創傷後遺症癡情女病人喬子琳提名最佳女主角，博得觀眾的支持和掌聲，嘉欣BB信心自然返晒嚟。
失一提名難免失望入行八年，除了09年，鍾嘉欣連續六年入圍《萬千星輝頒獎典禮》最佳女主角提名，以及五年獲提名我最喜愛的電視女角色。今年嘉欣只獲提名最佳女主角，她說：「老實講我係有啲失望，好多時有女主角都會有埋最喜愛女角色，我今年有四部劇，以為一定都會有喜愛女角色提名。」
雖然只有最佳女主角提名，歌視兩棲的嘉欣BB，應該有不少鐵票支持，她說：「我好感謝粉絲，唔單止微博有內地fans，香港都有，4歲至28歲最強，老人家都有，好多推點心、的士司機、超市同街市觀眾，可能我會做番平常人做嘅嘢。我覺得都有機會，冇嘢係冇可能，就好似喬子琳呢個角色咁受歡迎同咁好成績，都係估唔到。」
有指徐子珊和楊怡是嘉欣BB的攔路虎，嘉欣說：「都係平常心，入行越耐我就越發覺唔係到你控制，所以我乜嘢都隨緣，隨緣所有嘢都會嚟，你越緊張就有包袱有壓力，就越做得唔好。」
事實上，嘉欣演技日趨成熟，《護》劇演繹喬子琳進步神速，以往總是哭得呼天搶地，喊到全面口水鼻涕的嘉欣，已經是過去式。
■微博粉絲達123萬，嘉欣論人氣贏晒，民選視后會否較着數？
■嘉欣在《護花危情》中演創傷後遺症病人，又主動追求黃宗澤。劇照
鑽研演技喜獲認同嘉欣說：「冇一套電影有個咁嘅角色，外國女星姬絲頓史釗域（Kristen Stewart）個人係好奇怪，講嘢好急，呼吸好重，我就學咗佢嘅動作，再加少少鍾嘉欣緊張嘅時候係點，嘗試唔好再歇斯底里去喊，要喺入面痛。開頭我唔慣，好冇信心，點知導演話OK。出街嗰時好擔心人哋唔鍾意我，好彩大家好接受，所以，所有嘢都係估唔到㗎！」
