徐淑敏（Suki）及馬德鐘等昨到山頂出席慈善步行活動，昨日天氣寒冷，Suki仍以背心連身短裙現身。Suki老公黃浩的餐廳早前爆出疑有藝人在內吸毒，其後更傳黃浩被恐嚇，Suki昨只得一名司機陪同出席活動，對此Suki說：「冇因為咁請保鑣，亦唔覺得有人可以恐嚇到我，我好識保護家人，希望件事盡快平息。」
■徐淑敏直言不覺得有人可恐嚇到她。
對於黃浩被指曾跟DJ細So太太阿Wing兩姊妹拍拖，Suki指早已看過有關相片：「之前老公有放喺facebook，婚後我叫佢刪除，佢都刪晒。我識阿Wing，佢有去我婚禮同囡囡百日宴，佢哋冇拍過拖。」Suki又說知道老公大部份情史，但不會介意：「如果想用啲相報仇，影響我哋關係，係唔會成功。」同場的馬德鐘提到有份角逐無綫視帝，他笑說：「應該畀我，不過劉松仁同林峯都好強。」
