去年4月誕下兒子白迅（Dylan）嘅33歲黃婉君（Rosanne），前晚到中環出席活動，佢透過公關向記者講話有嘢宣佈，之後腳踏五吋高踭鞋嘅Rosanne見記者就刻意摸肚。問佢係唔係再度懷孕？佢開心話已懷孕兩個幾月，不過中國傳統未夠三個月怕BB小器係唔會講住，鬼妹仔性格嘅Rosanne話知道呢個禁忌：「係呀，大家都會祝福我，我個仔家19個月，一直都想追個女，係計劃之內。」被現場記者鬧佢大肚仲着高踭鞋時，佢話着埋今日就唔會再着。
莊思敏晒幼金鈪
同場仲有莊思敏、呂晶晶同傅嘉莉，對於近期嘅電視大戰，一早離開亞視嘅呂晶晶可說十分慶幸，佢話：「唔好咁講，我斷斷續續喺呢間公司都有成六年，都有留意呢啲新聞，家我喺內地拍劇。呢個行業有更多競爭最好，演員都想多啲電視台多啲機會，城電有傾過，但度唔到期，睇吓出年有冇機會合作。」
莊思敏早前返大馬出席胞弟婚禮，雖然胞弟嘅朋友質素好高，但個個都有女伴，搞到佢空手而回。莊思敏話媽咪順便喺保險箱攞啲嫁妝分畀幾姊妹，佢仲即刻展示手上戴嘅金鈪，原本馮仁昭以為身為拿督女當然會有超勁金器，點知佢手上嘅金鈪係幼得驚人。
Rosanne又有喜恨生女
2R成員黃婉君（Rosanne）前晚獨自出席活動，穿上連身裙的她明顯肚凸凸，受訪時大方承認造人成功，是計劃之內：「我唔應該宣布，因為我就嚟3個月，但我希望大家祝福我！我個仔19個月大，我希望今胎佗女！（再佗仔再追？）唔知！」貪靚的她仍穿五吋高跟鞋，及後解釋是到場才換。
同場的莊思敏參加弟弟婚宴返港，笑言很多高水準目標都已有另一半，空手而回的她說：「都想快啲搵到另一半，但我媽咪仲趕時間，細佬結婚要開保險箱，媽咪順便攞埋嫲嫲留落嘅嫁妝畀我同兩個妹。」而傅嘉莉也恨拍拖，卻沒有目標，現在惟有享受被追求的感覺，喜歡富才華與內涵的男仔，坦言劉青雲是其傾慕對象。
Rosanne承認懷孕，卻怕BB小器急急用手遮肚。
Rosanne宣布再佗B
2R成員之一的黃婉君（Rosanne）前晚出席活動時雖然身穿黑色連身裙，卻被記者發現肚凸凸，後來她直認不諱再度有喜，她說︰「係呀！其實我唔應該宣布，因為未夠三個月，但我希望大家祝福我。」她坦言造人是計劃之內，更恨女恨到出口，並說︰「希望追個女，個仔都19個月大。（如果今胎佗仔，會唔會再追?）都唔知呀！」
再度有喜的Rosanne雖然身穿黑色連身裙，但仍難掩肚凸凸。
而同場的莊思敏前晚剛從馬來西亞出席完弟弟婚宴回港，出席活動時笑言婚宴上很多質素高的男士，可惜身旁有女友，並笑說︰「我空手而回呀！」她坦言自己都想找到合適的另一半，卻笑言媽咪比她緊張，她說:「我細佬結婚，媽咪開保險箱攞嫲嫲生前留落嘅金器，一次過攞埋啲嫁妝畀我同兩個妹妹，費事下次再開過。」及後她稱在當地酒吧消遣時被查身份證︰「當地法例滿21歲先入得酒吧，好開心，我每晚去酒吧都被查。」
莊思敏指很開心在酒吧消遣時被查身份證。
