黃婉君（Rosanne）跟中英混血兒丈夫Derek前晚假Hong Kong Club舉行婚宴，當晚十一點後賓客開始陸續離開，他們都手持一本包裝精美的相冊，內裏載有多張兩人的結婚及家庭照，相當甜蜜。
身穿黑色絨面Tube Dress的Rosanne與Derek於凌晨零時二十分手拖手離開會所，而Derek未有應記者要求停步合照，一個箭步衝上花車，低頭合埋雙手，由Rosanne以簡單訪問應付守候多時的記者，她表示：「多謝咁多朋友喺唔同地方嚟出席，好多好多嘅祝福，多謝大家關心同支持。」當記者要求一對新人合照時，Rosanne以丈夫怕醜為由而拒絕，匆匆上車後離開。
另外，妹妹黃婉佩（Race）表示晚宴上跟細妹一齊唱歌跳舞助興，非常熱鬧，問到有冇感動時，她說：「有呀，我都有少少想喊，不過忍住，因為家姐台上講好多愛的宣言，真係好Touching！（有冇結婚衝動？）冇喎，不過想家姐盡快生小朋友，因為可以玩，（屋企人唔催你咩？）家姐都拍八年拖先結婚，佢唔會催我住。」而黃爸爸獨自離場時表示喜見愛女Rosanne結婚，自己都好想抱孫。
