國產巨星章子怡嘅男友向來非富則貴，先是前度霍啟山，繼而外籍富商Vivi，最近轉口味搭上央視金牌主持撒貝寧。
日前二人仲被網友發現蜜遊泰國，章子怡當日除咗用國產黑髮夾整頭外，仲全身民族look兼素顏上陣，同男友邊開餐邊親密咬耳仔。不過，當佢發現有人影相後，即刻調位坐過對面，又用藤袋遮掩面容，反而撒貝寧就大方望鏡頭，睇嚟佢哋對公開戀情仲係存在分歧喎！
一見到有人影相，子怡即刻調過對面坐，相當避忌。雖然人在異地，但章子怡（箭嘴）仍堅持戴黑超，保持巨星風範！
原本同男友並肩而坐咬耳仔嘅章子怡，二人雞啄唔斷。做得巨星男友，撒貝寧（右）都要戴番副超襯番！
