無綫劇集《名媛望族》一眾演員昨日為劇集宣傳，未知是否頒獎禮將至，令楊怡壓力大滿面痘痘；而江美儀對男友吳君祥被指偷嗒嚴淑明一事，信心爆棚指男友應該更擔心她，她又自爆一穿黑絲男友便好hot，不用她撩。
江美儀、楊怡、賈曉晨及劉松仁等昨日於將軍澳為無綫劇集《名媛望族》宣傳，部份演員化身成聖誕老人及聖誕天使，即場大玩遊戲。
江美儀男友吳君祥日前被指背住她出埠工作時，與嚴淑明攬攬錫錫，江美儀力撐男友的咀嘴照絕對是借位之作，她說：「我百分百信佢，嚴淑明我都識，佢驚我仲好喇，我咁索！只怪我家黑絲累事，有少少風頭連男友都遭殃。」至於男友可有飽嘗黑絲風采，她說：「我有好多唔同色絲襪，佢一見我就好hot，已經忍唔住唔使撩！」劇中江美儀將會咀吳卓羲，她希望不會被cut，問到可擔心出街後被投訴及有後遺症，她說：「家已經有喇，未做訪問解釋之前，佢fans講好多難堪嘅說話，好似話老牛吃嫩草，自己都覺得好好笑！」
■楊怡自爆內分泌失調，所以滿面青春痘。江美儀自認好索，仲話男友至要擔心佢偷食，咁囂？真係小心老虎甩鬚。
■賈曉晨（中）化身聖誕女郎，可惜一點都不性感。
楊怡內分泌失調
楊怡否認因壓力過大而滿面青春痘，但她承認近日內分泌失調：「睇咗中醫調理，將體內嘅毒素排晒出嚟。」至於被笑指爭視后前竟連面相都輸給徐子珊，她說：「死喇你！我不知幾有光采！」有指她以半價酬勞與徐子珊出席活動，她說：「我唔知對方嘅酬勞，最緊要有錢搵。」
此外，松哥於劇中可算艷褔無邊，不斷咀女，他說：「講呢啲層次會低咗，大家去講戲，唔好講到咁色情，啲戲都唔講！」
