![被陳冠希徐濠縈鬧爆 黃浩:唔會再忍圖片1](http://static.apple.nextmedia.com/images/apple-photos/apple/20121126/large/26ec3p2aaa.jpg)
■徐濠縈在Instagram貼上黃浩大頭照,李璨琛老婆即留言鬧爆。
徐淑敏丈夫黃浩(Kenny)是非多多,他聲稱手頭擁有食肆閉路電視拍下的藝人吸毒片段,警方有意聯絡他提供證據,與此同時,Instagram精陳冠希昨日轉貼徐濠縈上載黃浩大頭照,以及李璨琛太太留言數臭,一直希望大事化小的黃浩直言不會再忍。
徐淑敏老公黃浩在銅鑼灣經營的食肆近日被爆出有藝人在廂房吸毒,並給店中閉路電視拍下片段,黃浩聲稱曾遭人恐嚇。昨日徐濠縈在社交網站Instagram忽然貼上黃浩大頭照,關注她的友人都讚好,而李璨琛的太太梁志瑩卻留言鬧爆黃浩,她說:「職業:傷人,嗜好:博見報,副業:做人渣中之敗類。」陳冠希(Edison)轉貼截圖後又揶揄黃浩是「PK」,黃浩不甘被數臭,他表示對有關誹謗言論保留法律追究。
人妻藝人咀仔徐濠縈的Instagram只接受相熟友人關注,偏偏Edison看到好友的貼圖卻轉貼了,令琛嫂和應鬧爆黃浩的說話曝光,Edison其後發現貼錯相,馬上刪走。黃浩昨日獲悉被辱罵,他在電話中說:「徐濠縈以前係我舖頭熟客,見到面我哋會打招呼,佢哋次次嚟我都畀折扣同優惠,我哋唔算深交,不過舊年佢同LMF成員嚟食嘢,事後唔知點解失常發晒癲話我哋收多咗錢,我只係食肆其中一個投資者,咁樣對我好唔公平,我又唔知乜事得罪咗佢。」
近日傳出黃浩食肆內有人在廂房吸毒,他說:「我曾經接過佢哋啲朋友打嚟恐嚇,仲話代為出頭,呢件事我已交警方同律師處理。」據知閉路電視拍下有已婚女藝人啪丸後咀仔,黃浩說:「我等警方通知會配合交出片段,呢排都有人透過朋友叫我唔好交出片段。不過發生咗咁多嘢,今次唔會再退讓同容忍。」
![被陳冠希徐濠縈鬧爆 黃浩:唔會再忍圖片2](http://static.apple.nextmedia.com/images/apple-photos/apple/20121126/large/26ec3p3aaa.jpg)
![被陳冠希徐濠縈鬧爆 黃浩:唔會再忍圖片3](http://static.apple.nextmedia.com/images/apple-photos/apple/20121126/large/26ec3p1aaa.jpg)
■徐淑敏老公黃浩不甘被辱,他表示不會退讓,會法律追究一切誹謗言論。資料圖片
■Edison昨日和應好友徐濠縈,揶揄黃浩。
資料圖片
「行為好賤格」黃浩不忿被徐濠縈貼相和琛嫂辱罵,他說:「佢哋行為下流卑鄙,大家邊有深仇大恨,點知佢哋越踩越埋嚟,尤其傳咗有片之後,有人叫我千祈唔好交畀警方,但我只會做合法嘅嘢。家仲貼咗我張相,我唔會再忍,邊個恐嚇我咪拉邊個,呢啲行為好賤格,如果我人身安全受威脅,我聽日就去報警,同警方講邊個叫黑社會恐嚇我。」