今年龍年特別多龍B，就連陳慧琳、楊千嬅都湊熱鬧，齊齊生番個龍仔。媽咪姐八到，原來谷祖琳搵咗著名攝影師夏永康，請嚟一班星媽同龍B為「2013年XOXO慈善月曆」影相，幫思覺失調協會籌款，月曆將會喺海港城kidx展出，分座檯（$98）及限量版掛牆（$198）兩種。
乜個B咁似我？﹙設計對白﹚
今次小谷為慈善碌盡人情卡，批相俾人放上微博，網友議論紛紛。當中至hit嘅係陳慧琳個囝囝小龍包，有人笑佢好巨型，仲話佢似鄭則士㖭！
楊思琦女兒
楊卓穎9個月大
楊卓穎個樣真係完全唔似媽咪楊思琦，反而同爸爸吳帥成個餅印，呢位單親媽媽都真係點滴在心頭。
吳帥
文頌嫻女兒
Jamie 3個月大
Jamie肥嘟嘟，又眼仔睩睩，對眼似足媽咪文頌嫻咁精靈。文頌嫻發福咗，連帶身材都好逼爆。
楊千嬅兒子
Torres 4個月大
Torres大件頭，媽咪千嬅抱住佢都頗吃力，拍攝當日佢啱啱瞓醒，睡眼惺忪。
姚嘉妮兒子
Kyros 3個半月大
Kyros一出世已經被人話佢似足父親林祖輝，點知過咗三個月仲似，真係唔慌喺街會走失。BB當日拍到好攰，相入面都見到佢瞓到好冧。
谷祖琳女兒~劉心4個月大
劉心出世時因為對腳太長，一隻腳插咗入小谷嘅肋骨，搞到要開刀早產。雖然生B時辛苦，不過女兒有對長腿，小谷辛苦都好值得！
網友大讚
網友普遍都覺得星B好得意，RMB（千嬅兒子）就肥，不過都唔係小龍包嗰款。有不少網友笑稱他勁似鄭則士兒子。
