娛圈涉毒問題司空見慣，昨盛傳有人四出兜售一條短片，內容涉四女一男知名度極高的藝人於餐廳吸毒，而該餐廳正是藝人徐淑敏老公黃浩有份投資！黃浩亦承認昨曾收到勒索電話，並揚言看過有關短片，問黃浩該短片內，是否有藝人在他的餐廳吸毒，黃浩直認不諱：「我覺得係！」
圈中吸毒問題屢見不鮮，更有傳娛圈有人專責供應毒品給好此道的藝人，當中包括一些當紅藝人，他們吸毒的習慣，更是娛樂圈公開的秘密！昨日，傳有人四處兜售一班在娛圈甚為活躍、極具知名度的四女一男藝人，公然在餐廳貴賓房涉嫌吸毒的短片，當中包括歌星、名人、潮人以及演員，其中更有已婚藝人！而眾人涉「開餐」之餐廳正是前港姐徐淑敏老公黃浩於銅鑼灣有份投資的餐廳，而黃浩昨亦聲稱遭人勒索，要求用廿萬贖回該短片，但已被黃浩拒絕！
「再打嚟會報警」
黃浩昨在電話中向記者承認確有人致電給他，向他兜售一條一班圈中人在其餐廳吸毒的短片，黃浩表示：「係，確係有人向我兜售呢條短片！（勒索廿萬？）係！（咁你有冇報警？）由於唔知對方喺乜嘢人，如果佢再打嚟，我就會報警！（咁你係咪睇過條短片？係咪有藝人喺你間餐廳吸毒？）我覺得係！」
詩雅，徐子珊
員工涉嫌偷錄
據知該條短片之出處，涉嫌是曾在黃浩餐廳工作之員工，偷偷在公司以手機錄下餐廳閉路電視之錄影，片段中，有一大班人食飯歡聚，當中包括多名極具知名度，並於圈中甚為活躍的藝人，眾星在潮人界、藝能界都甚有名氣，他們竟公然在餐廳內吸食大麻、丸仔等毒品，完全無視法紀，未知眾星是否受到藥物影響，更在餐廳貴賓房內大吵大鬧，狀甚瘋狂！
葉佩雯，陳偉霆
黃浩有份投資的餐廳涉藝人吸毒短片，他與太太徐淑敏大表驚訝！
4女1男娛圈五毒
徐淑敏撐唔關老公事
徐淑敏（Suki）對於老公黃浩聲稱被勒索一事，坦言不知情，也許黃浩不想太太擔心，所以未有將勒索一事告之，當Suki聽畢事件來龍去脈後，則很有信心地表示：「無人勒索到我老公嘅！（點解？）都唔關佢事。」黃浩親口承認在短片內確有藝人在其餐廳涉吸毒，Suki則表示未有聽聞過，她謂：「我從來冇見過人吸毒，更加冇見過有人喺Kenny間餐廳吸毒。」
震驚娛圈毀形象
圈中爆出藝人於食店吸毒，震驚整個娛樂圈，不少藝人對此感到非常詫異，直言難以置信。
Jeana
Jeana︰我覺得藝人要自重，被不法之徒利用就唔好啦。自己就唔會咁做，不過呢一行咩人都有，咩事都會發生。
黎耀祥：我就未見過，自己唔夜蒲，放工就返屋企，吸毒都係年輕人，（藝人壓力大？）邊關事，任何人都壓力大，睇吓自己點樣handle啫！吸毒對健康、生理都好大影響，絕對不可試，身為藝人形象好緊要。
松岡李那（左）、蔡恩真
徐子珊：都幾震驚，都有聽過有藝人吸毒，不過我冇親眼見到，咁啱之前拍完《雷霆掃毒》了解多咗毒品方面嘅嘢，覺得應該係要正視，想喺呢方面做多啲教育工作。
葉佩雯：我冇聽過，唔清楚一件咁嘅事。
松岡李那、蔡恩真：好驚訝，如果真係有人喺食肆吸毒，真係好黐線，因為咁多人見到，亦無人引誘我哋，吸毒係犯法，會畀人拉。
林莉：冇聽過呢件事，（公眾場所吸毒太猖獗？）覺得佢哋好可憐，借毒品麻醉自己，好可悲，如果喺公眾地方做仲過分，要嚴懲。
馬詩慧：呢樣嘢唔好話藝人，係人都唔啱，係犯法嘅，喺公眾場所更唔恰當啦，尤其公眾人物的身份，係一個壞模樣，影響形象，令fans和鍾意佢哋嘅人失望，可能會有樣學樣。
黃智賢：甚少去夜場，軟性毒品喺夜店流傳一定有，（圈中吸毒風氣犀利？）電視圈應該就冇，同事們大多數都好正派，其他以外嘅我就唔清楚，壓力大總有其他宣洩方法。
詩雅：好誇張，可信性唔高，喺食肆我覺得冇可能，如果閂晒門窗就有可能。
陳偉霆：唔知真定假，如果係真梗係唔可以，影響形象，（離譜？）梗係離譜，絕對離譜。
溫碧霞：作為藝人要保持形象，呢件事好奇怪，但做藝人應該要自律。
子珊震驚林莉促嚴懲
圈中爆出藝人在食店涉吸毒，哄動全城，不少藝人對此感到非常震驚，直言難以置信！
徐子珊：「件事都幾震驚，我都有聽過有藝人吸毒，不過我冇親眼見到，咁啱之前拍完劇集《雷霆掃毒》了解多咗毒品方面嘅嘢，覺得應該要正視，之後都想從呢方面做多啲教育嘅工作。」
林莉：「我身邊冇吸毒朋友，自己連煙都唔食。（公眾場所吸毒太猖獗？）覺得佢哋好可憐，借毒品麻醉自己，好可悲，如果喺公眾地方做啲咁嘅嘢，仲過分，要嚴懲，一定唔恰當。」
過來人吳浩康：「都唔知件事係咪真嘅，我唔方便回應，但係吸毒就一定唔好，犯法之餘對身體都有害，唔關喺乜嘢地方嘅問題，我絕對唔支持。」
過來人周永恒：「其實面對壓力有好多解決嘅方法，吸食毒品只係幫到眼前一刻咩都唔理，但係呢個係一個惡性循環，只會愈踩愈深。（你點減壓？）減壓有好多種方法，可以做運動，我會用講嘢去減壓，如果明知吸毒會賴嘢都依然去做，我冇嘢好講。」
葉佩雯：「我冇聽過，唔清楚呢件事！」
馬詩慧：「呢樣嘢唔好話係藝人，係人都唔啱，係犯法嘅，喺公眾場所更唔恰當，尤其係公眾人物嘅身份，係一個壞榜樣，會影響形象，令Fans同鍾意佢哋嘅人失望，可能會有樣學樣。」
黃智賢：「我冇接觸過吸毒嘅朋友，軟性毒品喺夜店流傳一定有，不過年輕人真係唔好試！如果係真正嘅朋友，係唔會叫你掂毒品嘅！（圈中吸毒風氣犀利？）電視圈應該就冇，同事多數好正派，藝人壓力比較大，不過總有其他嘅宣洩方法，千祈唔好掂毒品！」
黎耀祥：「我未見過，自己唔夜蒲，吸毒都係年輕人。（藝人壓力大？）邊關事，任何人都壓力大，睇吓自己點樣Handle啫！其實吸毒對健康、生理都有好大影響，絕對不可試，藝人形象好緊要，某程度一定要注意品行。」
詩雅：「好誇張！可信性唔高，喺食肆我覺得冇可能，如果閂晒門窗就有可能！」
溫碧霞：「作為藝人要保持形象，呢件事好奇怪，但做藝人要自律。」
陳偉霆：「唔知真定假，如果係真梗係唔可以，影響形象，絕對離譜！」
Jeana︰「藝人要自重，被不法之徒利用就唔好啦！自己唔會咁做，呢一行咩人都有，咩事都會發生。」
日模松岡李那、韓模蔡恩真：「好驚訝！唔知！冇聽過，如果真係有人喺食肆吸毒，真係好黐線，因為會有好多人見到，冇見過人吸毒，冇人引誘我哋。試過一次去內地做嘢，喺間夜店度，經理人話見到有個人喺我哋身邊吸毒，經理人嚇到喊，吸毒喺日本同韓國都係犯法，會畀人拉。」
黎耀祥
中毒傳聞
藝人為了減壓，無所不用其極，有時更會因而誤墮毒海！過往娛樂圈偶爾有藝人吸毒傳聞，每次都甚有話題性！
傳聞1：孖妹毒后
藝人「孖妹」除出名醉心演藝事業，亦出名愛吸毒！有指由於她們需索量大，但又不想出面攞貨增加風險，故有拆家定期「送貨」上門。
傳聞2：奀星拆家
浮沉毒海的藝人不乏紅星，為免吸毒事件被揭影響形象，往往會出動身邊奀星好友做中間人！這批中間人除了幫忙交收外，很多時都會食埋一份！
傳聞3：迷幻派對
不少藝人都曾被指呼朋喚友到家中舉行「迷幻派對」，有藝人索性在家中種大麻，一來可免卻經常外出攞貨，二來有助招呼志同道合的好友！
娛圈毒聞
娛樂圈出名壓力大，有藝人為了減壓，不惜選擇向毒品低頭，集體行樂更不是新鮮事！但為免事敗影響形象，藝人無論吸毒或購買毒品都會低調行事，甚或找人代勞。過往娛樂圈便出現過不少關於藝人吸毒的傳聞，全部轟動一時！
傳聞一孖妹毒后
感情要好的「孖妹」，除了同樣醉心演藝事業外，亦同樣熱愛吸毒！有指由於她們需索量大，但又不方便到外面「攞貨」，故有拆家定期「送貨」上門，十分誇張。
傳聞二奀星拆家
浮沉毒海的演藝中人，不乏紅星，為免吸毒事件被揭影響形象，往往會勞動身邊歪星好友做中間人！這批中間人除了幫忙交收外，很多時更會食埋一份！
傳聞三迷幻派對
由於公開吸毒不被認可，有藝人會選擇呼朋喚友到家中搞「迷幻派對」，有指有藝人嫌攞貨多手尾跟又麻煩，索性在家中種植大麻，一來可隨時滿足毒癮，二來亦有助招呼志同道合好友！
周永恒過來人：會愈踩愈深
身為過來人曾藏毒的周永恒表示：「面對壓力有好多解決方法，吸食毒品只係幫到眼前一刻咩都唔理，但係呢個係惡性循環，只會愈踩愈深。（點減壓？）減壓有好多種，可以做運動，我會用講嘢去減壓，如果明知吸毒會賴嘢都依然去做，我冇嘢好講。」
周永恒
而吳浩康對於今次傳有藝人公然餐廳吸毒，他說：「唔知係咪真，唔方便回應，但係吸毒就一定唔好，犯法之餘對身體都有害，唔關喺乜嘢地方問題，絕對唔支持。」
警方滅罪料會介入
「娛圈五毒」涉嫌在餐廳內吸毒，片段被閉路電視拍下，餐廳員工用手機偷拍閉路電視片段後，向餐廳老闆「兜售」，勒索不果再向傳媒兜售。黃國桐律師稱：「『吸毒』唔係罪名，但無論佢收喺邊都係『藏毒』，會判去戒毒所。而佢哋除非各自帶毒品，否則一人帶去五人吸就係分享，咁就算『販毒』，會由地方法院審理，判刑二至四年，就算分量極少都罰好重。」至於涉嫌勒索餐廳老闆的員工，亦會由地方法院審理，黃律師說：「佢恐嚇勒索，會判即時入獄，加上佢『員工』身份，破壞咗公司對佢嘅誠信，因此再加刑半年。」又說：「員工將偷拍得來的片段向傳媒兜售，買賣雙方無咩大問題，但員工係『偷拍』就侵犯閉路電視版權，但傳媒冇公開播放就唔涉及法律問題。」
