■梁家輝前晚自爆至今仍未收齊《我愛HK》的酬勞，不過未肯透露詳情。
自稱有10年沒有出席慶功宴的梁家輝，前晚在電影《寒戰》慶功宴，自爆仍未收齊今年2月上映的邵氏賀歲片《我愛HK開心萬歲》酬勞，他直言：「《我愛HK》仲爭我錢！我以前收唔到錢嗰個年代應該過去咗，我唔希望呢個年代再來臨！」
電影《寒戰》前晚在銅鑼灣舉行慶功宴，梁家輝、郭富城和錢嘉樂等均有出席，截至本周一為止，該片上畫12天，本地票房超過2,700萬港元，內地票房收1.83億人民幣，成績非常理想。
梁家輝表示差不多有10年沒有去慶功宴，但印象中今年2月上映的邵氏賀歲片《我愛HK開心萬歲》亦曾經搞慶功，家輝聞言即說：「《我愛HK》嘅慶功我邊有去呀？《我愛HK》仲爭我錢！」追問詳情，他支吾以對說：「冇嘢喇，唔同你哋講呢啲嘢，我好開心今日港產片有呢個氣象。我服務咗香港電影界30年，我識唔少朋友，亦得罪唔少朋友，不過呢30年裏面我學識咗一樣嘢，每一個部門、機構都有自己嘅遊戲規則。」
■邵氏電影《我愛HK》是今年的賀歲片，由梁家輝和吳君如主演。劇照
■郭富城（右）和李治廷前晚出席《寒戰》慶功，城城承諾若該片成為票房冠軍便請食飯。
城城讚黛林身材好問家輝即是追唔追錢？他說：「你理得我啫，我以前收唔到錢嗰個年代應該過去咗，我唔希望呢個年代再來臨，我係電影演員，有好故事點會唔拍！」
對於梁家輝指收不足片酬，樂易玲說：「真定假㗎？即刻check，套戲好多年喎，支票都簽晒，要睇番合約係咪票房幾多佢分片酬，可能慢咗少少，會跟進件事。」邵氏高層黃家禧昨說：「當時同家輝簽約嘅時候演員酬金係有兩個數，一個大一個細，細數係實際酬金。大嘅數就訂明電影上映時有錢賺先會發放，套戲埋單都要蝕，佢可能一時記唔起。」
最近城城女友熊黛林性感露半股拍月曆，問城城有否看過？他說：「佢身形好好，影乜嘢都靚，最好佢送個畀我。」有記者笑稱已經有真人攬住，又怎會要月曆，城城笑說：「你真係好鬼有心，好抵錫！」
