【No.1】■唔知馬明係咪因為同高登巴打啲嗜好相似，所以多人投佢票？資料圖片
早排高登網站個高登女神選舉，引起好大迴響，結果由人妻謝安琪登上寶座，連帶第八名嘅魯芬，都人氣爆燈。班高登巴打再接再厲，搞多個高登男神選舉，之前接受一眾巴打絲打提名，而結果終於喺噚日凌晨公佈。
一如所料，自爆有睇AV習慣嘅馬國明，以總分1600順利當選首屆高登男神，相信馬國明嘅宅男性格，但又鬼咁有魅力，令唔少高登仔既葡萄又趨之若鶩，先至會投佢做男神。
【No.2】■邊度都有陰謀嘅鄭子誠，奸得嚟都有幾分男人味。資料圖片
【No.3】■黃子華一向有支持者，第三名不足為奇。資料圖片
林雪贏吳彥祖第二位係冇陰謀嘅，就係近日紅到爆嘅「陰謀情人」鄭子誠，佢*聲演繹《豆腐火腩飯》潮文，演活咗男人的浪漫。第三位就係啱啱舉行棟篤笑嘅黃子華。
之前有巴打玩嘢提名魯芬參選男神，可惜已經被foul出局，而37名獲提名嘅男神入面，最令人亮眼嘅都算係林雪，佢以642分排第六，排名仲要比排第七嘅張國榮同第八嘅吳彥祖高，真係莫名其妙。
