謝霆鋒放生陳冠希勁風騷

早前謝霆鋒喺節目《最佳男主角》談及前妻嘅慾照及與陳冠希嘅關係，佢直言：「我冇佢（陳冠希）電話，玩開咪玩囉。我係冇憎恨、冇怪責。」

謝霆鋒開腔表明冇恨意，近年周遊列國嘅陳冠希自然玩得更happy。周日（28日），媽咪姐就喺大坑撞到佢同三個麻甩friend飲咖啡。頭戴cap帽嘅佢，一輪嘴中英文夾雜講唔停。不過一見到有鏡頭，就拋低班朋友，滾水淥腳咁走，唔通約咗台妹新歡Angela？


吹水：Edison知道霆鋒對自己放低仇恨，心情零舍輕鬆。同班friend邊扯煙邊傾得鬼咁開心。


擁有驕人上圍嘅Angela，據講係Edison喺台灣間Juice時裝舖嘅店員。霆鋒喺《最佳男主角》入面，大方話冇怪過Edison。果然有大將風範。