今時今日仲興唔興賣弄性感同懶野性呢？FBI就話唔興囉。你睇吓徐子珊蒲頭下下都少布、朱唇愈嘟愈厚愈誘人，新劇仲要玩埋重口味輪姦，宅男界受歡迎度就同岑麗香仲有苟芸慧呢亭疑似處女差9條街，班巴打受邊套？唔使講都知啦！
年紀相差6年，27歲香香上圍堅挺到直33歲子珊要害，搞到平時姣氣迫人嘅徐子珊當日好明顯收晒火。苟姑娘錄影《福祿壽》節目，講起被屈車震舊事又委屈到喊，好姊妹香香又喊埋一份，花旦界都有姊妹情深一面嘅。
又pure又true仲有啲鬼鬼哋已經電死班巴打，上週三（24日），香香仲同苟姑娘兩個上《萬千升呢福祿壽》，苟姑娘講起同謝天華拍車廂戲被屈車震就委屈到攬住喊，出埋姊妹情深呢招，前輩子珊仲有碇企嘅？
