啱啱滿32歲嘅陳冠希，自從同前度Vincy（楊永晴）三年情玩完，最近正式將新歡掛牌，高調將同新女友嘅合照放上網。
咁高調，不外乎細佢十年得22歲，喺台灣Juice打工嘅Angela夠索見得人，尤其比起之前攝期用嘅16歲Cammi，超班。
上星期五（十月二十六日），《壹》仔夜晚喺跑馬地大少爺茶餐廳見到Edison同一班人開餐，有人有鬼，但清一色male，Angela唔喺身邊。
食咗個幾兩粒鐘，其間煙癮起，Edison走出門口煲煙，邊上電邊玩狗，跟住埋單，再劈入香港仔，上咗一幢工廈。
嘩，呢種環境，話佢係去私竇玩又得，喺studio磨又得，都係有排搞，收隊！
食食吓，煙癮起，Edison行出門口上電。見到茶餐廳隻陀地狗，踎低又摸又氹，明顯有交情。冇見一排，肥咗啲喎！（設計對白）
十一點幾，Edison轉場入香港仔，離開前同契細佬Kelvin Poon碰拳，又摸吓陀地狗say bye。女友Angela冇同行，Edison開餐清一色佬。
新歡22歲：Angela外形唔差，助Edison一洗「食」女版Nel Nel烏氣。
