銅鑼灣→中環崔建邦唐詩詠　逛完街開餐

唐詩詠對花心、打女人，形象破產嘅崔建邦依然不離不棄，前日兩個人現身銅鑼灣，下晝4點幾唐詩詠揸住佢架甲蟲車，側邊就坐住崔建邦。

詩詠將架車泊咗入伊利沙伯大廈嘅停車場，嗰個停車場出名路窄考起唔少新手，車場轉角位都花斑斑，搞到詩詠騰雞兼驚死，每轉一個彎都要車前倒後，仲要開窗睇位至敢過，每個彎都要成分鐘至過到，而坐喺側邊嘅崔建邦就一於少理。

詩詠幾經辛苦先泊完位，崔建邦率先落車伸懶腰，即時打出佢個肚腩，睇嚟身形暴脹嘅崔建邦重咗至少10磅有多，喺車上嘅唐詩詠搞咗一輪先落車，佢哋好有默契咁行去搭𨋢落樓。


【凸腩煲粥】

【買嘢開餐】漢堡包做晚餐
崔建邦同詩詠喺銅鑼灣逛咗一個鐘左右就返車場攞車，跟住去咗中環荷李活道一間漢堡包店買包做晚餐，佢哋一邊等一邊傾，不過崔建邦好警覺四處望，買完包後，又去買其他嘢，當時落緊雨，崔建邦就負責擔遮，之後兩人就過海返詩詠清水灣半島嘅屋企。